PANAGKUMAW

Napilit a panangala, panangipanaw, ken panangipupok iti maysa a tao babaen ti di nainkalintegan a panangpuersa, panangallilaw, wenno panangbutbuteng kenkuana. Iti Mosaiko a Linteg, ti panagkumaw ket maysa a krimen a maikari iti dusa nga ipapatay. No takawen wenno kumawen ti maysa a tao ti padana a tao sana ilako dayta, wenno no ti nakumaw a tao nasarakan nga adda iti manangkumaw, mapapatay ti kriminal. (Ex 21:16; De 24:7) Sakbay pay a naited daytoy a linteg iti Israel, nakumaw ni Jose nga anak ni Jacob ken nailako iti pannakaadipen. (Ge 37:27, 28; 40:15) Idi agangay, daytoy a pannakakumaw ni Jose ket pinagbalin ti Dios kas bendision kenkuana idiay Egipto, ngem kamaudiananna pinakawanna ti dakes nga inaramid dagiti kakabsatna.​—Ge 45:4, 5.

Idi nagsurat ni apostol Pablo ken Timoteo, kinunana a “ti linteg maipaalagad, saan a maipaay iti tao a nalinteg,” no di ket kadagiti nakillo a tattao, a pakairamanan dagiti manangkumaw.​—1Ti 1:8-11.