“Ket ti Dumngeg Kunaenna Koma: ‘Umayka!’”

“Daydi espiritu ken daydi nobia kunada: ‘Umayka!’ Ket ti dumngeg kunaenna koma: ‘Umayka!’ Ket ti mawaw umay koma; ket ti mayat awatenna ti danum ti biag nga awan baybayadna.”​—APOCALIPSIS 22:17.

Iti intero nga umay a tawen, dagiti Saksi ni Jehova iti nasurok a 200 a daga iti intero a lubong, agtignaydanto mismo a maitunos iti 1991 a tekstoda ti tawen: “KET TI DUMNGEG KUNAENNA KOMA: ‘UMAYKA!’”

1. Iti ania a “danum” ti pakaaw-awisantayo nga ‘umay!’?

MAAWISKAYO nga “umay!” Umay para iti ania? Ay ket, umay tapno mapedped ti wawyo iti danum. Saan a gagangay daytoy a danum no di ket ti isu met laeng a danum a nasao ni Jesu-Kristo idi kinunana iti babai a Samaritana idiay bubon: “Ngem siasinoman nga uminum iti danum nga itdekto kenkuana uray kaano saanto a mawawen, no di ket ti danum nga itdekto kenkuana agbalinto kenkuana nga ubbog ti danum nga agburayok a maipaay iti biag nga agnanayon.” (Juan 4:14) Manipud sadino ti nangalaan ni Jesus iti daytoy a “danum”?

2. Ania ti gubuayan ti “danum,” ken kalpasan laeng ti ania a pasamak a daytat’ agayus?

² Naikkan pribilehio ni apostol Juan a makakita iti sirmata ti gubuayan a pagayusan daytoy a “danum,” kas iti kunaenna idiay Apocalipsis 22:1: “Ket impakitana kaniak ti maysa a karayan ti danum ti biag, a sumilsilap a kas iti sarming, a rummuar iti trono ti Dios ken iti Kordero ket agayus.” Wen, ti gubuayan daytoy sumilsilap a danum nga addaan kadagiti makaited-biag nga elemento ket awan sabali no di ti Manangted-Biag, ni Jehova a mismo, a pinagbalinna a magun-odan babaen iti Kordero, ni Jesu-Kristo. (Idiligyo ti Apocalipsis 21:6.) Yantangay nadakamat “ti trono ti Dios ken ti Kordero,” rebbeng a daytat’ kalpasan ti pannakaipasdek ti Mesianiko a Pagarian idi 1914, kayatna a sawen, kalpasan ti panangrugi ti aldaw ti Apo, a mangrugi nga agayus ti danum ti biag.​—Apocalipsis 1:10.

3, 4. Aniat’ irepresentar ti “danum,” ket agpaay iti siasino a daytat’ magun-odan?

³ Aniat’ isimsimbolo daytoy a danum ti biag? Iladladawanna ti probision ti Dios a pangisubli ti perpekto a natauan a biag, biag nga agnanayon iti kinaperpekto ditoy daga a napagbalinen a paraiso. Ti danum ti biag ireprepresentarna dagiti amin a probision a maipaay ti biag baeten ken Jesu-Kristo. Magun-odan kadi amin daytoy itatta? Saan, ta umuna pay nga ikkaten ti Dios ti agdama a dakes a sistema dagiti bambanag agraman ti di makita nga agturayna, a ni Satanas a Diablo. Ngem mabalintay a gun-oden daydiay mabalinen a maala iti daytoy a “danum” babaen ti panagdengngeg ken panagtulnog iti naimbag a damag ti Pagarian ken panangitunos ti biagtayo iti dayta.​—Juan 3:16; Roma 12:2.

⁴ Gapuna, kalpasan ti panangipakitana ken Juan ti ‘karayan ti biag,’ nagsao ni Jesus ken ni Juan maipapan ti panggep ni Jesus iti panangibaonna iti anghelna nga addaan sirmata. Kalpasanna nangngeg ni Juan ti pakaammo: “Ket daydi espiritu ken daydi nobia kunada: ‘Umayka!’ Ket ti dumngeg kunaenna koma: ‘Umayka!’ Ket ti mawaw umay koma; ket ti mayat awatenna ti danum ti biag nga awan baybayadna.” (Apocalipsis 22:17) Gapuna, dagiti adipen ti Dios ipapaaydat’ imbitasion kadagiti mawaw tapno mangrugidan nga uminum kadagiti sagana ti Dios a maipaay iti pananggun-od ti biag nga awan inggana ditoy daga babaen iti Kordero ti Dios.​—Juan 1:29.

Rumsua ti Pannakasapul ti Dandanum ti Biag

5. Kasano a dimteng ti sangatauan iti pannakasapul iti daytoy nadiosan a sagana?

⁵ Nakalkaldaang, dagiti umuna a nagannak ti natauan a pamilia dida sinalimetmetan ti dana ti biag a nangted koma kadagiti annakda ti gundaway a mangtagiragsak ti agnanayon a perpekto a natauan a biag iti paraiso a pagtaengan. Ti biag nga agnanayon para ti sangatauan kinalikagumanna a mangaramid ni Adan ti intelihente a panagpili nga agserbi a situtulnog iti Namarsuana. Iti sidong ti impluensia ti maysa a managalsa nga espiritu a parsua, rinugian ni Eva ti tignay a nangibungat’ ipapatay ti sangatauan, ket ni Adan, ti perpekto a lakayna, pinilinat’ pannakikadua kenkuana iti dayta makapapatay a kurso. Gapuna, kas nangted ti natural a biag kadagiti sumarsaruno a kaputotan ti sangatauan, ni Adan ti talaga a nangiserrek ti panagandar ni patay iti intero a natauan a pamilia. Gapuna kuna ti Biblia: “Gapu iti maymaysa a tao simrek ti basol ditoy lubong ken ti ipapatay gapu iti basol, ket iti kasta ti ipapatay immay kadagiti isuamin a tattao agsipud ta isuda nagbasolda amin.” (Roma 5:12) Kalpasan ti pannakatnag da Adan ken Eva iti basol a nangrugida a ninayonan ti natauan a pamilia kadagiti baro a miembro.​—Salmo 51:5.

6. Apay a ni Jehova inyurnosna a ti “danum” ket magun-odan?

⁶ Malappedan aya nga agnanayon ti Dios iti inna panangitungpal ti panggepna a paraiso a daga a napunno kadagiti perpekto a tattao? Ti sungbat ti Biblia ket, saan, siempre! Nupay kasta, tapno maitungpal ti panggepna, nangaramid ni Jehova ti naayat a probision a mangkontra iti makadadael a pannakapaay ni Adan ket kaskasdi a maitunosto a naan-anay iti kinahustisia ken kinalinteg, nga Isut’ naan-anay ken ultimo nga ebkas. Inaramidna daytoy babaen ti “karayan ti danum ti biag.” Babaen iti dayta, isublinanto ti perpekto a natauan a biag iti natulnog a sangatauan, nga ti iyaasidegna iti Ubbog ti biag ket napukaw. Daytoy a karayan agayuston a naan-anay bayat ti Sangaribo Tawen a Panagturay ni Jesu-Kristo. Iti kasta, iti intero a Milenio a Turay ni Kristo, dagiti tattao, agraman dagidiay mapagungar ken patay, masapul nga uminumda iti “karayan ti danum ti biag.”​—Idiligyo ti Ezequiel 47:1-10; Aramid 24:15.

7. Iti ania a pakaibatayan a naaramid ti sagana a maipaay iti “danum”?

⁷ Tagtagiragsaken ni Jehova ti biagna a mismo, ken tagiragsakenna met ti panangipaay ti pribilehio ti intelihente a biag kadagiti dadduma a parsuana. Ti pakaibatayan dagiti makaited-biag a sagana ni Jehova isut’ daton a subbot ni Jesus. (Marcos 10:45; 1 Juan 4:9, 10) Nairaman met ti Sao ti Dios, a no maminsan aw-awagan ti Biblia a “danum.” (Efeso 5:26) Libre ni Jehova a Dios a mangikuna, “Umayka!” kadagiti natauan a parparsua, a nakapukaw kadagiti orihinal a sagana nga inaramid ti Dios para iti perpekto a natauan a pagassawaan, da Adan ken Eva.

Ti Klase Nobia Iyawatda ti Awis nga, “Umayka!”

8. Iti siasino ken kaano nga immuna a naipaay daytoy a “danum”?

⁸ Ti umuna a nangiyawat ti awis nga “umayka!” isuda dagidiay mangbukel ti piguratibo a nobia ti Kordero, ti inauna a naespirituan nga Anak ni Jehova. (Apocalipsis 14:1, 3, 4; 21:9) Ti naespirituan a nobia ni Kristo saanna a kunkunaen, “Umayka!” iti bagina met laeng, kayatna sawen, kadagidiay urnongen pay ni Jehova a Dios kas paset ti klase nobia tapno makompleto ti 144,000. Dagidiay a sasao ti panangawis maiyawatda kadagiti tattao a mangnamnama a makagun-od ti perpekto a natauan a biag ditoy daga kalpasan ti Armagedon. (Apocalipsis 16:14, 16) Bayat daytoy a panungpalan ti sistema dagiti bambanag nanipud 1914, nangngegantayon ti awis nga iyaw-awat “ti nobia,” a makituntunos iti nasantuan nga espiritu ti Dios.

9. Kasanotay nga ammo a daytat’ saan nga agpaay iti bassit laeng a grupo?

⁹ Makaparagsak, ta ti maudi a libro ti Biblia ipakitana a ‘ti dakkel nga umariwekwek, nga awan tao a makabilang,’ abrasaennanto ti pannakaiwaragawag ti naimbag a damag ti Pagarian ti Dios ket idasigda a sititibker ti bagbagida iti dayta naarian a gobierno. (Apocalipsis 7:9, 10, 16, 17) Maysakay aya iti dayta dakkel nga umariwekwek? Ngarud, “ti dumngeg kunaenna koma: ‘Umayka!’”

Ti Espiritu ken ti Nobia Kunada, “Umayka!”

10. Sadino ti rebbeng a pamunganayan daytoy simboliko a danum, ken apay?

¹⁰ Ngem apay a ti Dios ken ti piguratibo a Nobio saan a nakadamat idiay Apocalipsis 22:17? Umuna, ammuenyo a saan nga imbaga ti bersikulo no makimbilin nga agtigtignay ti espiritu. Kaskasdi, ti pannakadakamat ti espiritu iturongnat’ atensiontayo ken Jehova a Dios mismo. Saan a naiwalin ti Ama manipud iti eksena, ta isut’ mismo a Gubuayan ti nasantuan nga espiritu. Maikadua, ti Anak makituntunos a naan-anay ken Amana, kas panagkunana a mismo: “Ti Anak saanna a mabalinan ti agbukbukod nga agaramid iti uray ania no di ket ti makitana nga aramiden ti Ama.” (Juan 5:19) Mainayon pay, nupay daytoy nga awis ket maysa a napaltiingan a sasao a namunganay met laeng ken Jehova a Dios, mabalinan met dagiti tattao ti umawat ti nadiosan a bilin, wenno “napaltiingan a sasao,” babaen ken Jesu-Kristo, “ti Verbo.” (Apocalipsis 22:6; kasta met ti Apo 22:17, Reference Bible, footnote; Juan 1:1) Ngarud, maiyanatup, nga inaigtayo ni Kristo, ti Nobio, iti daytoy nga awis. Wen, makasiguradotayo nga agpadpada a ni Jehova a Dios, ti Ama ti Nobio, ken ni Jesu-Kristo, nga isut’ Nobio, makikaduada “ti nobia” babaen iti nasantuan nga espiritu iti panagkunkunada, “Umayka!”

11, 12. (a) Aniat’ nasapa a panangipamatmat a ti awis a panaginum ket mapalawanto? (b) Kasano a daytoy a banag ket lumawlawag bayat iti panaglabas dagiti tawtawen?

¹¹ Kadagiti adun a dekada daytoy awis nga “umayka!” mapmapanen kadagiti tattao a mawawan ti “danum ti biag.” Uray pay idi 1918, ti klase nobia nangrugin a mangikaskasaba ti mensahe a mangiraman nangnangruna kadagidiay agbiagto ditoy daga. Daytat’ babaen ti palawag publiko a napauluan “Minilmilion nga Agbibiag Itan Mabalin a Didanton Matay.” Daytoy ti nangted namnama nga adu ti makalasatto iti Armagedon ket kalpasanna magun-odanda ti biag nga awan inggana iti Paraiso a daga iti sidong ti Mesianiko a Pagarian ti Dios. Ngem dayta a mensahe saanna nga impakita a piho ti dalan nga agturong iti daytoy pribilehio ti ilalasat, malaksid laeng iti pangkaaduan a kinalinteg.

¹² Tapno madanon ti ad-adu a tattao iti awis nga, “Umayka!” idi 1922 rimmuar ti mensahe kadagiti isuamin nga interesado nga agserbi iti Dios: “Ipablaakyo ti Ari ken ti Pagarian.” Idi 1923 naawatan ti klase nobia a “dagiti karnero” ken “dagiti kalding” iti pangngarig ni Jesus idiay Mateo 25:31-46 maiparangarangdanto sakbay ti Armagedon. Sa, idi 1929, intampok ti The Watch Tower a Marso 15 ti artikulo a “Ti Naayat a Panangawis.” Ti temana a teksto ket Apocalipsis 22:17, ket intampokna ti responsabilidad ti klase nobia a mangiyawat ti awis nga, “Umayka!”​—Panid 87-9.a

Ti Sabsabali a Karnero Tumiponda nga Agkuna, “Umayka!”

13, 14. Kadagidi 1930’s, ania a kanayonan a panangilawlawag ti naipaay a dagiti dadduma mabalinda ti uminum iti simboliko a danum?

¹³ Mainayon pay, nanipud idi 1932, intudo ti The Watchtower ti responsabilidad met ti “sabsabali a karnero,” nga iti biangda, kunaenda, “Umayka!” (Juan 10:16) Iti ruarna nga Agosto 1, panid 232, parapo 29 kunana: “Dagiti saksi ni Jehova itatta naregtada a kas ken Jehu ket rebbeng a paregtaenda ti klase Jehonadab [dagiti sabsabali a karnero] a kumuyog kadakuada ken makipasetda iti panangiwaragawag kadagiti dadduma a ti pagarian ti Dios ket addan.” Ket, kalpasan ti panangadawna ti Apocalipsis 22:17, kuna ti parapo: “Bay-an a paregtaen dagiti napulotan ti amin a mayat a makipaset iti panangibaga ti naimbag a damag ti pagarian. Di kasapulan nga agbalinda a napulotan ti Apo tapno iwaragawagda ti mensahe ti Apo. Dakkel a liwliwa kadagiti saksi ni Jehova a maammuan ita a mapalubosandan a mangawit iti dandanum ti biag iti klase dagiti tattao a mabalin a makalasat iti Armagedon ken maikkan ti biag nga agnanayon ditoy daga gapu iti aglaplapusanan a kinaimbag ni Jehova.b

¹⁴ Manipud 1934 agtultuloy, intudo ti napulotan a natda a dagitoy sabsabali a karnero masapul nga idedikardan ti bagbagida iti Dios ken isimbolo daytoy iti bautismo ti danum sada tumipon a kadua ti klase nobia iti panagkuna, “Umayka!” kadagiti dadduma pay a mawaw. Iti kasta, adda itan ti piho nga awis nga iyaw-awat ti klase nobia tapno urnongen dagitoy mawaw a sabsabali a karnero iti “maymaysa nga arban” iti sidong ti “maymaysa a pastor,” a ni Jesu-Kristo. (Juan 10:16) Idi 1935 ti napulotan a natda natignay a makaammo iti pangkaaduan a kumbensionda iti dayta a tawen a ti kimmarnero a klase dagiti tattao a pangikunkunaanda, “Umayka!” ket aktual nga iti “dakkel nga umariwekwek” iti Apocalipsis 7:9-17. Daytoy ti nangted ti dakkel a pammaregta iti trabaho a panangawis.

15. Kasano a “ti espiritu” nairaman iti awis nga, “Umayka”?

¹⁵ Iti panangikuna, “Umayka!” ti klase nobia makitunosda iti espiritu ti Dios. Babaen iti espirituna a nanglukat iti kaipapanan dagiti padto iti naisurat a Saona, tinignayna ti natda ti klase nobia a mangiyawat ti panangawis. Dagitoy a padpadto a nakaibatayan ti awisda ket impaltiing ti espiritu ti Dios. Gapuna, kaiyariganna, a ti espiritu ti Dios agay-ayus babaen ken Kristo ken ti nobiana nga agkunkuna iti dakkel nga umariwekwek dagiti kimmarnero a tattao, “Umayka!”​—Apocalipsis 19:10.

16. Kasano a ti espiritu ken ti nobia naisinggalut iti awis itatta?

¹⁶ Agingga itoy nga aldaw ti espiritu ken ti nobia, nga inrepresentar ti natda, “kunkunaenda: ‘Umayka!’” Ibagbaga dagitoy a natda kadagitoy sabsabali a karnero nga awisenda pay dagiti sabsabali nga “umayka!” Saanda a bukbukodan, iti arigna, ti “danum ti biag,” kas adda itatta. Masapul nga agtulnogda iti bilin manipud “ti espiritu ken ti nobia,” awan sabali: “Ket ti dumngeg kunaenna koma: “Umayka!’” Amin dagidiay mangepep-ep ti wawda masapul nga iwarasda met ti panangawis. Masapul nga iyawatda iti tunggal maysa a di matmatmatan ti rasa, nasionalidad, lenguahe, wenno ti agdama a relihionda​—tunggal maysa iti isuamin a disso! Aniaman daydiay magun-odan a “danum ti biag” iti agdama a panawen isut’ iyaw-awis dagiti Saksi ni Jehova ket tulongandat’ isuamin a tattao tapno makiramanda, nga awan bayadna!

17. Ania a kita ti “danum” ti magun-odan itatta?

¹⁷ Iti intero a daga, ti Kordero, a ni Jesu-Kristo, pudno nga iwanwanwanna ti dakkel nga umariwekwek nga agturong “kadagiti ubbog ti danum ti biag.” (Apocalipsis 7:17) Saan a narugitan a danum daytoy, no di ket maysa a nalitnaw, nalamiis, makaay-ayo a danum manipud Gubuayanna a mismo. Dagitoy simboliko a dandanum kaipapananna ti ad-adda pay ngem basta dandanum iti pannakaawat kadagiti kinapudno ti Biblia; kaipapananda amin dagiti sagana ti Dios baeten ken Jesu-Kristo a nangrugi uray pay itan iti dakkel nga umariwekwek iti dana ti pannakagun-od ti agnanayon a perpekto a biag iti kinaragsak.

Tumipon Itan iti Panangiwaragawag

18. Kasano kasaknap ti panangawisen iti daytoy tiempotayo?

¹⁸ Itatta, daytoy dakkel nga umariwekwek agbilangdan iti sumagmamano a milion. Sireregta nga itultuloyda nga iwarwaragawag ti naimbag a damag ti Pagarian iti amin a mapagnaedan a daga. Regular nga irepreportda dagiti ar-aramidda iti tay-ak a panangikaskasaba ti naimbag a damag ti Pagarian, nga itan nakagtengen iti 212 a dagdaga. Agingga ti adda a tiempo nga ipalubos daytoy a panungpalan ti sistema dagiti bambanag, ti panangawis agtultuloy sigun iti panaganus ken mabayag a panagitured ni Jehova a Dios, ti Naindaklan a Manangikeddeng ti Oras. Ammona no kaano nga orasen ken no kaano ti kanito a kangrunaan a panangiyam-ammona ti bagina kadagiti isuamin nga isu ni Jehova, kas inkarina nga aramidenna sigun kadagiti maulit-ulit a sasao iti padto ti Biblia.​—Ezequiel 36:23; 38:21-23; 39:7.

19. Apay a maikunatayo a daytoy a “danum” ket maituktukon nga awan bayadna?

¹⁹ Bayat nga adda pay tiempo, ngarud, dagiti kameng ti dakkel nga umariwekwek siraragsakda a makipaspaset a kadua ti natda ti bunggoy a nobia iti panangikunkuna: ‘Umaykayo ket awatenyo ti danum ti biag nga awan baybayadna!’ Dagiti mangiwarwaragawag iti daytoy makaispal-biag a naimbag a damag siwayawayada a mangar-aramid iti panangiwarwaragawag, a saanda nga agsingsingir a maipaay ti serbisioda bayat nga isaksaknapda ti mensahe ti Pagarian iti intero a lubong.

20. Aniat’ ibungana gapu ta daytoy a “danum” ket magun-odanen?

²⁰ Ti dandanum ti biag magun-odan itan iti intero a globo, tapno dagiti tattao a kayatdat’ umawat maaramidanda dayta iti kapkapnekanda nga addaan kadagiti makaispal-biag a resulta. Ti nasubbot a sangatauan tagiragsakennanto ti biag nga awan inggana ditoy mismo a daga, a mapagbalinton a paraiso, a pakaalangonan ti nasudi a panggep ni Jehova. Ti Namarsuatayo inaramidna ti daga a saan a barengbareng no di ket tapno agbalin a manglikmut-iti-lubong a minuyongan ti Eden, wenno Paraiso ti ragsak, a pagtaengan dagiti perpekto a natauan a parparsua iti ladawan ken kaasping ti Dios.

21. Kasano a matungpalto ti panggep ti Dios agpaay iti daga?

²¹ Pudno unay, maysanto a di maiyeb-ebkas a naindaklan a pribilehio ken rag-o ti maadda iti kasta a baro a lubong! Kalpasanna ti bilin nga inted ti Dios iti immuna a pagassawaan a tao idiay Genesis 1:27, 28 matungpalton a naan-anay. Pagyamananto iti sisisigo a panangtaming ni Jehova iti didigra nga immapay iti natauan a pamilia, ti daga matalonton agingga nga agbalin a paraiso ket mapunnonton iti perpekto a natauan a rasa. Wen, matmatanto ti Dios ti isuamin nga inaramidnan, ket, adtoy, daytantot’ nakasaysayaat. Addakayto aya sadiay? No kasta, masapul nga addaan panangapresiar a rugianyon ti umawat a buyogen ti panangipateg iti danum ti biag nga awan baybayadna. “Umayka!” ket uminumka nga agpennek ken ep-epem ti wawmo iti danum ti biag a nangrugin nga agay-ayus itatta ken agay-ayusto pay a naan-anay bayat ti Milenio nga umay. Ket bay-an nga asinoman a makangngeg itoy nasam-it nga awis kunaennanto: “Umayka!”

[Dagiti Footnote]

Aniat’ Sungbatyo?

◻ Ania a “danum” ti tuktukoyen ti Apocalipsis 22:17?

◻ Aniat’ gubuayan ti “danum”?

◻ Apay a ti “danum” kasapulan, ket kaano laeng a mangrugi ti panagayusna?

◻ Iti tekstotayo, aniat’ ipamatmat ti pannakadakamat ti “espiritu,” ken kasano a nairaman “ti nobia”?

◻ Asino ti mabalin nga uminum ti “danum,” ket aniat’ ibungana?