Epektibo nga Introduksion
1 No makiramantayo iti ministerio, mapasanguantayo iti saludsod nga, “Ania ti umuna a sawek?” Dagiti eksperiensiado nga agibumbunannag ket aduanda iti makatulong a singasing. Ania dagiti dadduma kadagitoy?
2 Umuna, napateg unay iti napudno nga interes kadagiti tattao a kasaotayo. Maipakita daytoy nga agpadpada iti sasao ken tigtignay. Nasken unay nga usigentayo iti panangmatmat ti bumalay. Timuden iti sungbatna kadagiti saludsodyo. Ipakita no kasano a magunggonaan a mismo.
USIGEN ITI PANANGMATMATDA
3 Idi kinasabaan ni Jesus iti maysa a Samaritana, dadduma kadagiti ebkasna ti karkarna kenkuana. Siaannad a nagimdeng ni Jesus, ket idi simmungbat, inusigna a naimbag iti kinunana ti babai. Kayatna a tulongan. (Juan 4:13, 14, 19-26) Ikagkagumaantayo kadi a suroten iti ehemplo ni Jesus iti daytoy a banag?
4 No sumungbat dagiti tattao iti introduksionyo babaen ti panagkunana, “Adda bukodko a relihion,” ania ti aramidenyo? Nausigyo kadin daydiay impormasion iti pinanid 18-19 iti Panakirinnason a libro? Kadagiti lugar nga adu dagiti tattao ti mangusar iti daytoy a pangontra, masarakanyo a makagunggona no unaanyo iti komentoda babaen ti panangiruaryo iti dayta nga umuna. Kas pangarigan, mabalinyo a kunaen, “Adda kadin relihionyo?” [Denggen ti sungbatda.] Pagarupek nga addan agsipud ta kaaduan kadagiti tattao ditoy a lugar ket addaanda. Nupay kasta, ti rason iti panagsarungkarko ita nga agsapa isut’ . . .” Kalpasanna ituloyyo daydiay suheto a kayatyo nga ilawlawag.
5 No adu dagiti bumalay ti agkuna, “Diak Masango Dayta,” mabalinyo a pilien iti maysa wenno ad-adu nga ideya idiay pinanid 19-20 iti Panakirinnason a libro ken itutopyo idiay teritoriayo. Nagduduma dagiti maiyebkas a mabalinyo nga usaren a pangsumra kadagiti pangontra a masansan a mangngegan.
PANANGUSAR TI INTRODUKSION MANIPUD PANAKIRINNASON A LIBRO
6 Madlawyo kadagiti introduksion idiay pinanid 9-15 iti Panakirinnason a libro ket maiparbeng kadagiti suheto a masansan a pakaseknan dagiti tattao, a kas iti agdama a paspasamak, personal a talged, panggedan, panagbalay, biag ti pamilia, ken ti masanguanan. Nupay kasta, siputanyo met a gutugotenda dagiti bumalay nga iyebkasda ti adda iti unegda. Tumulong kadakuada a kumita iti suheto a napateg ken apektaranna iti kinataoda.
7 Adalenyo nga aramaten dagiti introduksion idiay Panakirinnason a libro. Magunggonaankayo koma iti kapadasan dagiti ddduma nga agibumbunannag. Ikararagyo iti bendision ni Jehova iti panagreggetyo. No aramidenyo daytoy, mabalin nga adu pay dagiti tattao idiay teritoriayo ti mangipangag a sipapabor iti naimbag a damag.