Mangputarkayo iti Makatignay nga Introduksion
1 Agpadpada a Ti Pagwanawanan ken Agriingkayo! a nausar iti panagmula ti bukel iti kinapudno kadagiti puso dagiti managbasa. Gapuna, kayattayo ti mamutar iti epektibo a wagas a maadda dagitoy a magasina kadagiti balbalay dagiti tattao bayat ti Abril.
2 Kasano a matignay dagiti bumalay a mangawat ken bumasa kadagiti magasinatayo? Agpannuray dayta no kasano ti panangiyammotayo kadakuada. Dagiti ekselente a singasing ti masarakan idiay libro a Panakirinnason, pinanid 9-15.
3 No itukon iti Abril 1 a Pagwanawanan, mabalin a padasen nga usaren daydiay maikatlo a singasing iti baba ti paulo nga “Agdama a Paspasamak” iti pinanid 10-11 ti Panakirinnason a libro.
Kalpasan a maiyammo iti bagim, mabalinmo a kunaen:
◼ “No pagpiliendakayo, ania kadagiti adu a problema ita a sangsanguen daytoy lubong ti kayatyo a makita a masolbar nga umuna?” Denggen iti sungbat ti bumalay, ken padayawan iti pakaseknanna. Kalpasanna, ituloyyo a kunaen ti umasping iti daytoy: “Usigenyo no ania iti itukon ti Biblia kas solusion dagiti kasta a problema. [Basaen ti Isaias 9:6, 7.] Gapuna ti pudno a solusion iti amin a problema ti sangatauan isut’ agpannuray iti nalinteg a turay ti Silaw iti Lubong, ni Jesu-Kristo.” Sa maiturong iti maikadua a maadal nga artikulo, parapo 16-18, iti baba ti subtema a “Ti Nalawlawagan a Baro a Lubong.”
4 Adda dua a sabsabali nga introduksion a mabalinyo nga usaren iti Abril 1 a Pagwanawanan a masarakan idiay panid 12 ti Panakirinnason a libro, idiay baba ti paulo a “Panggedan/Pagtaengan.” Mabalinyo nga iyebkas dagitoy a saludsod iti bukodyo a sasao wenno ulitenyo no ania ti nakuna iti Panakirinnason a libro. Kalpasan a mapadayawanyo iti sungbat ti bumalay, iyawisyo iti asikasona idiay maitutop a puntos ti artikulo a “Surotenyo ti Silaw ti Lubong.”
5 No aramatenyo ti Abril 8 nga Agriingkayo! iti “Siensia—Mapennekna Aya Dagiti Kasapulantayo?,” mabalin a padasenyo ti maikatlo nga introduksion iti baba ti paulo a “Biag/Kinaragsak” iti panid 13 ti libro a Panakirinnason. Kalpasan a masaludsod iti bumalay no mariknana a ti siensia ket masolbarna dagiti problematayo ken maiyegna iti kinaragsak, iyawisyo ti asikasona iti maitutop a punto idiay magasina nga Agriingkayo!
6 Nalabit a makasarakkayo iti bumalay nga agkuna nga addan bukodna a relihioso a literatura. Ilawlawagyo nga addaantayo met kadagiti bukodtayo a publikasion nga usaren (kas iti Ti Ministeriotayo iti Pagarian); nupay kasta, dagiti pagbasaantayo ti basbasaen dagiti minilion a tattao a saan a Saksi ni Jehova.
7 Kuna ni Pablo iti 1 Corinto 3:6: “Nagmulaak, ni Apolos ti nagsibug, ngem ti Dios iti mamadakkel.” No kayattayo a padakkelen ni Jehova iti bukel ti kinapudno iti puspuso dagiti interesado a tattao, masapul nga ipaaytayo ti asikaso iti panagmula kadagitoy a bukel a sieepektibo babaen ti panangusar kadagiti makatignay nga introduksion.