Saludsod

◼ Inton kaano a dagiti agtutubo nga annak dagiti Kristiano a nagannak ket makiramandan iti tay-ak ti ministerio sakbay a mabigbigda a kas saan pay a bautisado nga agibumbunannag?

Kayat dagiti Kristiano a nagannak a dagiti annakda ket agbalinda a nataengan, debotado nga ad-adipen ni Jehova. (1 Sam. 2:18, 26; Luc. 2:40) Manipud pay kinaganusda, dagiti annak iti Kristiano a sangakabalayan ti masapul a makabael a mangidepensa a silalawag iti pammatida. Ti espiritual a panagdakkel dagiti annak isut’ mapaadelantar bayat a makikuyogda kadagiti nagannakda idiay tay-ak ti ministerio manipud kinaubingda. Ngem nasken kadagiti agtutubo a magutugot ti pusoda nga agrayo iti tay-ak ti serbisio, a gartemanda ti agbalin a saan a bautisado nga agibumbunannag, ken agtultuloyda a makiraman a mangasaba. Ti naannad a panangsanay dagiti nagannak isut’ kasapulan. (1 Tim. 4:6; 2 Tim. 2:15) Mabalin a makatulong met dagiti makabael nga agibumbunannag no dadduma no kumanunong dagiti nagannak.​—Kitaen Ti Ministeriotayo, pinanid 99-100.

Bayat a dagiti annak ket kumuyogda kadagiti nagannakda iti panagbalaybalay a trabaho, masanayda no kasano a makiramanda iti ministerio. Ngem saanda a mabigbig a kas saan a bautisado nga agibumbunannag agingga a mapatanorda ti rukod iti bukodda nga abilidad ken laing. Maikeddeng iti Kristiano a naganak no ania ti nagtenganen iti maysa nga ubing maipapan ti panangasaba bayat nga agkuyogda. Dagiti agtutubo a saan pay a mabigbig a saan a bautisado nga agibumbunannag ti saan koma nga agwaywayas nga agsarungkar wenno makikuyog kadagiti padana nga agtutubo iti tay-ak ti serbisio. Maisagana dagiti nagannak dagiti annakda iti tay-ak ti serbisio ken palubosanda ida a makipaset iti nagduduma a wagas, kas iti panagbasa ti kasuratan, mangitukon iti tract ken magasina, wenno mangipakita iti bumalay ti maysa nga ilustrasion iti maysa a publikasion. Bayat a tumataengan, kabaelannanton ti makipaset iti diskusion.

Babaen iti umiso a panangsanay, maadal dagiti agtutubo nga ipateg iti kinaserioso ti ministerio bayat nga ipangagda iti panangiturong dagiti nagannakda ken no naparbengda ti umiso a wagas. Saan a panawan dagiti nagannak dagiti annakda a saan pay laeng a mabigbig a kas saan a bautisado nga agibumbunannag iti gimong a maipaay ti serbisio, a namnamaenda a dagiti dadduma ti mangtaripato kadakuada. Mabigbig koma dagiti maseknan a nagannak iti bukodda a responsabilidad a mangimaton ti aktibidad dagiti annakda. Siempre, dagiti responsable nga agibumbunannag ket situtulokda met a tumulong a mangsanay kadagiti agtutubo iti kongregasion isuda a mangipakita ti napudno nga interes nga agserbi ken Jehova iti ministerio.