Nabileg ti Saot’ Dios
1 Inimpluensiaan unay ti Biblia ti bibiag dagiti minilion a tao. Ad-adda a makatignay ti sawenna ngem ti aniaman a naisurat ti tao. (Heb. 4:12) Kitaenyo ti namagbalinanna kadatayo. Pudno, di maartapan ti pategna.
2 Dagiti Saksi ni Jehova ti kangrunaan nga estudiante ti Biblia. Matmatantay koma ti panangbasa iti Biblia kas napateg a paset ti regular nga eskedioltayo, a mayun-una ngem ti telebision ken amin a sabsabali pay a panaglinglingay.
3 Yugaliyo: Apresiaren ti ili ni Jehova ti nabileg nga impluensia a maited ti regular a panangbasa iti Biblia. Adda karatula iti maysa kadagiti patakder a pagimalditantayo idiay Brooklyn a mangidagadag iti tattao nga inda “Inaldaw a Basaen ti Nasantuan a Biblia a Sao ti Dios.” Maikalikagum a basaen dagiti baro a kameng ti pamilia ti Bethel ti intero a Biblia iti umuna a tawenda iti Bethel. Sursurotenyo met laeng ti linawas a panangbasa ti Biblia iti Teokratiko nga Eskuelaan ti Panagministro?
4 No marigatankay a mangaramid iti daytoy, apay a dikay aturen daytoy bayat ti Nobiembre? Ti basaen iti Biblia iti intero a bulan ket Salmo 95-109, kayatna a sawen a panangbasa iti tallo wenno uppat a panid tunggal lawas. Dadduma inaldaw nga agbasadat’ saggabassit, nalabit iti parbangon wenno sakbay a maturogda iti rabii. Ti napateg isut’ panangapityo kadagiti gunggona ti regular a panangbasa iti Saot’ Dios.
5 Itukon ti Biblia Bayat iti Nobiembre: Adu pay la a tao ti mangraem iti Biblia ken sitatallugod a dumngeg no ania ti kunana. Bayat ti Nobiembre itukontayto ti New World Translation (wenno Ti Nasantuan a Kasuratan) ken ti libro a Ti Biblia—Saot’ Dios wenno iti Tao? Iparang daytoy kadagiti nasingpet-panagpuspusoda a tattao ti pateg ti Saot’ Dios. Naalibtakkay koma a mangaramid iti dayta.
6 Mangisaganakayo iti sumagmamano a komento kadagiti kangrunaan a paset ti New World Translation a mangtignay iti tattao a mangala. Mabalinyo nga usaren ti maysa kadagiti tema iti benneg ti “Bible Topics for Discussion” sayo inaig iti libro a Ti Biblia—Saot’ Dios wenno iti Tao? Wenno mabalinyo nga ipakita ti pateg ti 92-panid nga indise ti sasao ti Biblia a pangsapul kadagiti pamiliar a teksto. Mabalin a kayat a pagminaren ti dadduma nga agibumbunannag ti “Listaan Dagiti Libro ti Biblia” sada ipakita ti pategna iti panagadal ti Biblia.
7 Siertuenyo nga ipakaammo a ti New World Translation ket naisurat iti moderno nga Ingles, isu a nalaklaka a maawatan. Ti sumagmamano a makaawis a pannakaidilig iti King James Version isu ti 1 Corinto 10:25 ken 16:22. Usaren ti New World Translation ti nadibinuan a nagan a Jehova iti 7,210 a daras.
8 Wen, ti Biblia ket Saot’ Dios. No basaentay dayta ken yaplikar ti balakadna iti bibiagtayo, agapittayto ti dadakkel a gunggona. (Roma 15:4) Napateg a basaentay dayta nga inaldaw ken pangisuro iti sabsabali.