No Ania ti Ibaga No Itukon Dagiti Magasin

Ti Pagwanawanan Marso 1

“Pudno a narigat nga aramiden ti umiso no pilitendatayo dagiti tattao nga agaramid iti di maiparbeng. Iti panagkunayo, ania ti makatulong tapno saantayo a tumulok kadakuada? [Palubosanyo a sumungbat sa basaenyo ti Proverbio 29:25.] Dakamaten daytoy nga artikulo dagiti lima a rason nga agamaktayo a mangpagura iti Dios imbes nga iti tao.” Itampokyo ti artikulo a mangrugi iti panid 12.

Agriingkayo! Marso

“Kayattayo amin ti maaddaan iti nasayaat a gagayyem. Ania dagiti kualidad a magustuam iti maysa a gayyem? [Palubosanyo a sumungbat.] Imutektekam ti kuna ti Biblia. [Basaenyo ti Proverbio 17:17.] Naglaon daytoy nga artikulo kadagiti singasing iti panagpili kadagiti nasayaat a gagayyem ken no kasanoka nga agbalin a nasayaat a gayyem kadagiti sabsabali.” Itampokyo ti artikulo a mangrugi iti panid 18.

Ti Pagwanawanan Abril 1

“Kayatko man a maammuan ti kapanunotanyo maipapan iti daytoy nga imbaga ni Jesus. [Basaenyo ti Juan 3:3.] Panagkunayo, ania ngata ti kayatna a sawen ti pannakayanak manen? [Palubosanyo a sumungbat.] Ti umiso a pannakaawat iti imbaga ni Jesus apektaranna ti biag ken dagiti in-inanamaentayo iti masanguanan. Ilawlawag daytoy a magasin no apay.”

Agriingkayo! Abril

“Agparang nga adu nga ubbing ti makapaspasar iti tension iti eskuelaan. Iti panagkunayo, adda ngata nakaidumaanna ti kasasaadda no idilig idi kaaldawan dagiti dadakkelda? [Palubosanyo a sumungbat.] Mabalin a dakes ti ibunga ti tension iti eskuelaan. [Basaenyo ti Eclesiastes 7:7a.] Salaysayen daytoy a magasin no kasano a dagiti nagannak matulonganda dagiti annakda a mangdaer kadagiti tension a mapaspasaran dagiti estudiante.”