No Ania ti Ibaga No Itukon Dagiti Magasin

Ti Pagwanawanan Marso 1

Basaenyo ti Exodo 20:15 sa kunaenyo: “Nupay adu ti mangikagkagumaan a mangsurot iti daytoy a bilin, adda dagidiay agkuna a mabalin ti agtakaw wenno agkusit no nakaro unayen ti kasasaad. Ania ti makunayo iti daytoy? [Palubosanyo a sumungbat.] Ilawlawag daytoy nga artikulo dagiti pagsayaatan ti panagbalin a napudno iti amin a tiempo.” Itampok ti artikulo a mangrugi iti panid 12.

Agriingkayo! Marso

“Adu ti mangraraem iti Biblia ngem para kadakuada saan unayen a praktikal iti moderno a lubong ti kaaduan a linaon daytoy. Ania ti makunayo? [Palubosanyo a sumungbat sa basaenyo ti Roma 15:4.] Ilawlawag daytoy nga artikulo no apay a praktikal pay laeng ti Biblia uray dagidiay ibilbilang ti kaaduan a daanen a pasetna.” Itampokyo ti artikulo a mangrugi iti panid 28.

Ti Pagwanawanan Abril 1

“Adu ti mangibagbaga a ni Jesus ti kapigsaan ti impluensiana iti intero a pakasaritaan ti tao. Kasta kadi met ti makunayo? [Palubosanyo a sumungbat.] Imutektekanyo no apay a rumbeng a tingitingentayo dagiti nagduduma a kapanunotan maipapan kenkuana tapno maammuantayo ti kinapudno. [Basaenyo ti Juan 17:3.] Ipakita daytoy nga espesial a ruar Ti Pagwanawanan no ania ti kuna ti Biblia maipapan ken Jesus ken kadagiti pannursurona.”

Agriingkayo! Abril

“Kasla agkurang ti panawentayo a mangiringpas iti amin a kayattayo nga aramiden. Umanamongkayo kadi? [Palubosanyo a sumungbat.] Adu ti agkuna a makatulong daytoy a balakad. [Basaenyo ti Filipos 1:10.] Mangted daytoy a magasin iti sumagmamano a praktikal a singasing a tumulong kadatayo a mangusar a naimbag iti panawentayo.”