ADALEN 11

Sigaganaygay nga Agsao

Roma 12:11

SUMARIO: Agsaoka a sigaganaygay tapno matignaymo dagiti agdengdengngeg.

Ipapusom ti material. Bayat nga isagsaganam ti presentasionmo, panunotem a naimbag ti kinaimportante ti mensahem. Agbalinka a pamiliar iti materialmo tapno naimpusuan ti panagsaom.
Panunotem dagiti agdengdengngeg. Panunotem no kasanoda a magunggonaan iti basaem wenno isurom nga impormasion. Mangpanunotka kadagiti pamay-an no kasanom a basaen ken isuro dayta tapno ad-adda a maapresiar dagiti agdengdengngeg.
Pagbalinem a nabiag ti presentasionmo. Agsaoka a sigaganaygay. Natural koma ti panagkompasmo ken naimpusuan ti ekspresion ti rupam a mangipakita iti riknam.

Saanmo nga ulit-uliten ti maymaysa a panagkompas tapno saan a masinga dagiti agdengdengngeg. Ibagaymo ti panagkompasmo iti ibagbagam. Nagangganaygayka koma no isurom dagiti kangrunaan a punto ken no parparegtaem nga agtignay dagiti agdengdengngeg. Saanmo a sobraan ti kinaganaygaymo iti intero a presentasionmo tapno saan a mabannog dagiti agdengdengngeg.