Saludsod

◼ Kaano a maitutop nga isardeng ti panangyadal iti Biblia?

Mabalin a sitataktika nga isardeng ti panangyadal iti Biblia no saanen a rumangrang-ay iti naespirituan ti iyad-adalanyo. (Mat. 10:11) Kas pagarigan: Adda kadi isuna no eskediulyo ti agadal? Isagsaganana kadi ti adalenyo? Nakaatender kadin kadagiti gimong ti kongregasion? Ibagbagana kadi iti sabsabali dagiti maad-adalna? Adda kadin panagbalbaliwna maitunos kadagiti prinsipio iti Biblia? Siempre, ikabilanganyo ti edad ken kabaelanna, a bigbigenyo a saan nga agpapada ti panagrang-ay ti tunggal indibidual. Maysa pay, no isardengyo ti panagadal, ipariknayo iti iyad-adalanyo a sidadaankayo a mangituloy iti panagadal inton nakasaganan iti masanguanan.—1 Tim. 2:4.