Jósúabók

12 Þetta eru konungar landsins sem Ísraelsmenn unnu, landsins sem þeir tóku til eignar austan megin við Jórdan og náði frá Arnondal+ að Hermonfjalli+ og yfir allan austurhluta Araba:+ 2 Síhon+ konungur Amoríta sem bjó í Hesbon og réð yfir Aróer+ á brún Arnondals. Allt svæðið frá miðjum Arnondal+ að Jabbokdal, sem myndar landamæri Ammóníta, tilheyrði honum, það er að segja hálft Gíleað. 3 Hann réð einnig yfir austurhluta Araba frá Kinneretvatni*+ til Arabavatns, það er Saltasjávar,* í austur í átt að Bet Jesímót og suður að hlíðum Pisga.+

4 Þeir tóku einnig land Ógs,+ konungs í Basan, sem var einn af síðustu Refaítunum+ og bjó í Astarót og Edreí. 5 Hann réð yfir Hermonfjalli, Salka og öllu Basan+ að landamærum Gesúríta og Maakatíta,+ og yfir hálfu Gíleað að landi Síhons, konungs í Hesbon.+

6 Móse þjónn Jehóva og Ísraelsmenn sigruðu þá+ og eftir það gaf Móse þjónn Jehóva Rúbenítum, Gaðítum og hálfri ættkvísl Manasse land þeirra til eignar.+

7 Þetta eru konungar landsins sem Jósúa og Ísraelsmenn unnu vestan megin við Jórdan frá Baal Gað+ í Líbanonsdal+ að Halakfjalli+ sem liggur að Seír,+ landsins sem Jósúa skipti síðan milli ættkvísla Ísraels. Hver ættkvísl fékk sinn hlut+ 8 í fjalllendinu, Sefela, Araba, hlíðunum, óbyggðunum og Negeb+ – land Hetíta, Amoríta,+ Kanverja, Peresíta, Hevíta og Jebúsíta.+ Konungarnir voru: