Sálmur
Til tónlistarstjórans. Eftir syni Kóra.+ Maskíl.*
44 Guð, við höfum heyrt með eigin eyrum,
forfeður okkar sögðu okkur frá öllu+
sem þú áorkaðir á þeirra dögum,
fyrir langalöngu.
Þú gersigraðir þjóðir og flæmdir þær burt.+
3 Þeir lögðu ekki landið undir sig með sverðum sínum+
og armur þeirra veitti þeim ekki sigur+
heldur var það hægri hönd þín og armur+ og ljós auglits þíns
því að þú hafðir velþóknun á þeim.+
5 Með þinni hjálp rekum við burt andstæðinga okkar,+
í þínu nafni tröðkum við niður þá sem rísa gegn okkur.+
6 Ég treysti ekki á boga minn
og sverð mitt getur ekki bjargað mér.+
7 Það varst þú sem bjargaðir okkur frá óvinum okkar+
og niðurlægðir þá sem hata okkur.
8 Guð, við lofsyngjum þig allan daginn
og lofum nafn þitt að eilífu. (Sela)
9 En nú hefur þú útskúfað okkur og niðurlægt
og ferð ekki út með hersveitum okkar.
10 Þú lætur okkur hvað eftir annað hörfa undan óvinum okkar,+
þeir sem hata okkur láta greipar sópa.
11 Þú framselur okkur eins og sauðfé til slátrunar,
þú hefur tvístrað okkur meðal þjóðanna.+
12 Þú selur fólk þitt fyrir lítið sem ekkert+
og græðir ekkert á sölunni.
13 Þú gerir okkur að athlægi í augum nágranna okkar,
allir sem búa umhverfis okkur hafa okkur að háði og spotti.
15 Smán fylgir mér allan daginn
og ég er yfirbugaður af skömm
16 þegar ég heyri þá hæðast og spotta,
já, þegar óvinurinn leitar hefnda.
17 Allt þetta er komið yfir okkur en samt höfum við ekki gleymt þér,
við höfum ekki rofið sáttmála þinn.+
18 Hjörtu okkar hafa ekki yfirgefið þig
né skref okkar vikið af vegi þínum.
19 En þú hefur brytjað okkur niður þar sem sjakalarnir hafast við,
hulið okkur niðamyrkri.
20 Ef við hefðum gleymt nafni Guðs okkar
eða beðið* til framandi guðs,
21 hefði Guð þá ekki orðið var við það?
Hann þekkir leyndarmál hjartans.+
22 Þín vegna blasir dauðinn við okkur allan liðlangan daginn,
við erum metin sem sláturfé.+
23 Vaknaðu! Af hverju sefurðu, Jehóva?+
Vaknaðu! Útskúfaðu okkur ekki að eilífu.+
24 Af hverju hylur þú auglit þitt?
Hvers vegna gleymir þú neyð okkar og kúgun?
25 Við erum beygð í duftið,
liggjum kylliflöt á jörðinni.+