Von rússneskrar stúlku

FIMMTÁN ára rússnesk stúlka lét í ljós í bréfi hve heitt hún þráði betra ástand á jörðinni. Hún býr í Úkhta sem er rösklega 100 þúsund manna borg tæplega 1300 kílómetra norðaustur af Moskvu. Hún sagði eftirfarandi í bréfi sínu til útibús votta Jehóva í Rússlandi:

„Vinkona mín sagði mér að bókin Mesta mikilmenni sem lifað hefur fjallaði um ævi Jesú Krists. Ég hef mikinn áhuga á bókum ykkar, tímaritum og bæklingum. Þannig var að ég fór á símstöðina til að borga útvarps- og símareikninginn. Þar lá smárit á gólfinu. Ég tók það upp, hristi af því rykið og fór að lesa það. Það hét Af hverju eru vandamálin svona mörg?

Ég las um erfiðleika og þjáningar fólks og myndin á forsíðunni lýsti loforðinu um nýtt líf í paradís. Ég vona að hún komi einhvern tíma. Mig langar virkilega til að sjá alla menn hamingjusama, ánægða og hrausta og einnig að sjá dána ættingja. . . . Mig langar til að vita hvað ég á að gera til að eiga von um að lifa í paradís á jörð. Ég bið ykkur að senda mér einhverjar upplýsingar eða bækur. Ég skal greiða fyrir ritin og sendingarkostnaðinn.“

Þú getur líka fengið rit sem geta veitt þér sterka, biblíutengda von um líf í paradís á jörð. Ef þú vilt fá eintak af bæklingnum Hvers krefst Guð af okkur? eða ókeypis biblíunámskeið á heimili þínu skaltu ekki hika við að skrifa Varðturninum, Pósthólf 8496, 128 Reykjavík eða nota annað viðeigandi póstfang á blaðsíðu 5.