Jesús verður Messías

Jóhannes var búinn að segja: ‚Það kemur einhver sem er miklu betri en ég.‘ Þegar Jesús var um 30 ára kom hann frá Galíleu að Jórdanánni þar sem Jóhannes var að skíra fólk. Jesús vildi að Jóhannes myndi skíra hann en Jóhannes sagði: ‚Ég ætti ekki að skíra þig. Þú ættir að skíra mig.‘ Jesús sagði við Jóhannes: ‚Jehóva vill að þú skírir mig.‘ Þeir fóru ofan í Jórdanána og Jóhannes dýfði Jesú á kaf í vatnið.

Þegar Jesús kom upp úr vatninu bað hann til Jehóva. Þá opnaðist himininn og andi Guðs kom yfir hann eins og dúfa. Síðan talaði Jehóva frá himnum og sagði: „Þú ert sonur minn sem ég elska. Ég hef velþóknun á þér.“

Þegar andi Jehóva kom yfir Jesú varð hann Kristur, eða Messías. Núna var kominn tími til að vinna það verk sem Jehóva hafði sent hann til jarðarinnar til að gera.

Þegar Jesús var búinn að láta skírast fór hann strax út í óbyggðirnar og var þar í 40 daga. Þegar hann kom til baka fór hann að hitta Jóhannes. Jóhannes sagði þegar Jesús kom á móti honum: ‚Þetta er lamb Guðs sem mun taka burt synd heimsins.‘ Þegar Jóhannes sagði þetta var hann að láta fólkið vita að Jesús væri Messías. Veistu hvað gerðist þegar Jesús var í óbyggðunum? Lesum um það í næstu sögu.