Gleðjumst og fögnum

1. Við getum þeim fjársjóði fagnað

sem fær ekki grandað neitt ryð,

því gersemar gervallrar jarðar

nú ganga með okkur í lið.

Sú gleði sér grundvöll á traustan,

á Guðs orði rótföst er byggð.

Við dag hvern það duglega lesum,

þá dafnar jafnt trúin sem tryggð.

Sem glóð er í hjartanu glóir

er gleðin svo djúpstæð og virk.

Því þrátt fyrir þrautir og raunir

Guð þolgæði veitir og styrk.

2. Af gleði við gjafir hans dáum,

hann gaf okkur himin og jörð.

Bók sköpunarinnar við skoðum

því skilið hann á þakkargjörð.

Við sigursæl fréttirnar segjum

að senn fari stjórn hans í hönd,

að fætt sé nú friðarins ríki,

við flytjum þau boð um öll lönd.

Um eilífð menn fögnuð þá finna

er fallegur heimur nýr rís.

Þá rætast öll heilögu heitin

um hamingju í paradís.