Þjónustusamkomur

Vikan sem hefst 12. nóvember

Söngur 170

10 mín: Staðbundnar tilkynningar og valdar tilkynningar úr Ríkisþjónustu okkar. Sviðsetjið kynninguna neðst á bls. 1 og tengið við tilboð mánaðarins.

15 mín: „Treystu á styrk frá Jehóva.“a Minnist stuttlega á efnið í Varðturninum 1. nóvember 1999, bls. 17, gr. 6-8.

20 mín: Hvað þarf til að eiga farsælt hjónaband? Ræða öldungs byggð á Varðturninum 1. mars 1999, bls. 4-8.

Söngur 191 og lokabæn.

Vikan sem hefst 19. nóvember

Söngur 172

8 mín: Staðbundnar tilkynningar og reikningshaldsskýrslan.

15 mín: Staðbundnar þarfir.

22 mín: „Þroskaðu skilningarvitin.“b Öldungur stjórnar líflegri upprifjun á efni sérstaka mótsdagsins á síðasta þjónustuári.

Söngur 195 og lokabæn.

Vikan sem hefst 26. nóvember

Söngur 177

15 mín: Staðbundnar tilkynningar. Minnið boðbera á að skila inn starfsskýrslum fyrir nóvember. Notið tillögurnar í rammagreininni „Hvað geturðu sagt um blöðin?“ og sviðsetjið tvær stuttar blaðakynningar, aðra úr Varðturninum 1. desember og hina úr Vaknið! október til desember. Sýnið síðan hvar finna má góðar kynningartillögur fyrir bækurnar Mesta mikilmenni sem lifað hefur, Þú getur lifað að eilífu í paradís á jörð og Biblíusögubókina mína sem verða boðnar í desember. Leitið fanga í efnisskránni Watch Tower Publications Index undir flettunni „Presentations“ og undirflettunni „List by Publication.“ Lesið upp eina eða tvær kynningar.

15 mín: „Að finna sér tíma fyrir nám og lestur.“ Ræða með þátttöku áheyrenda. Takið með meginatriðin í Varðturninum 1. nóvember 2000, bls. 29, gr. 9-10, undir millifyrirsögninni „Hvernig sumir skapa sér svigrúm til náms.“ Biðjið áheyrendur að segja frá hvernig þeim hefur tekist að finna sér tíma fyrir það sem skiptir mestu máli með því að sleppa óþörfum viðfangsefnum. Leggið áherslu á mikilvægi þess að skapa sér svigrúm til einka- og fjölskyldunáms, samkomusóknar, boðunarstarfs og daglegs biblíulestrar.

15 mín: Hinir ungu lofa Jehóva. Umræður við áheyrendur. Í flestum söfnuðum eru fjölmörg börn sem taka þátt í boðunarstarfinu. Það er vel við hæfi að þau geri það, enda þótt þau vitni aðallega fyrir fullorðnum. (Sálm. 148:12, 13; Matt. 21:15, 16) Boðunarstarfið veitir hinum ungu mikla gleði þegar foreldrar og aðrir boðberar sýna þeim áhuga, þjálfa þá og uppörva. Leitið eftir tillögum frá áheyrendum um hvernig virkja má hina ungu í starfinu hús úr húsi og í endurheimsóknum. Biðjið foreldra að skýra frá því hvernig þeir hafa kennt börnunum að bjóða blöðin, nota Biblíuna í kynningarorðum og tala óttalaust við húsráðendur. Bendið á hve mikilvægt sé að hrósa börnunum. Eigið vital við einn eða tvo unga boðbera og látið þá segja frá því hvað þeim finnst gaman að í boðunarstarfinu og hvers vegna.

Söngur 198 og lokabæn.

Vikan sem hefst 3. desember

Söngur 179

8 mín: Staðbundnar tilkynningar.

17 mín: Notaðu bókina Reasoning from the Scriptures. Umræður við áheyrendur. Bendið á hvernig eftirfarandi þættir bókarinnar koma að góðu gagni við að útskýra kenningar Biblíunnar: Skilgreiningar, svo sem á „Guðsríki“ (bls. 225-6) eða „Anda“ (bls. 380); samanburður á ýmsum biblíuþýðingum til að sýna hvar og hvernig nafn Guðs er notað í Biblíunni (bls. 191-3) eða hvað helvíti raunverulega er (bls. 169-70); skrár yfir kenningar sem aðgreina okkur frá öðrum trúarbrögðum (bls. 199-201) eða auðkenni hinnar sönnu trúar (bls. 328-30); sögulegar upplýsingar um uppruna jólanna (bls. 176-8) eða hlutleysi hinna frumkristnu (bls. 273-5); vísindalegar sannanir sem renna stoðum undir sköpun (bls. 85-6) eða sýna fram á skaðsemi kannabisefna og tóbaks (bls. 108-11). Hvetjið boðbera til að nota þetta afbragðsgóða kennslugagn í boðunarstarfinu, hvenær sem færi gefst.

20 mín: „Blessun fylgir því að meta kærleika Jehóva — 1. hluti.“c Biðjið áheyrendur um hvetjandi frásögur þegar farið er yfir gr. 3-6. Þetta mega vera frásögur af starfinu hús úr húsi, götustarfinu, endurheimsóknum eða biblíunámsskeiðum.

Söngur 200 og lokabæn.

[Neðanmáls]