„Efnahagshörmungar“

EFTIR FRÉTTARITARA VAKNIÐ! Í NÍGERÍU

Í SKÝRSLU Barnahjálpar Sameinuðu þjóðanna (UNICEF) segir að „efnahagshörmungar“ séu að ganga yfir löndin suður af Sahara í Afríku. Næstum helmingur íbúa þar — um 220 milljónir manna — býr við algera örbirgð og er ófær um að fullnægja brýnustu frum­þörfum. Meðalmaðurinn er 20 prósentum fátækari en hann var fyrir áratug.

„Á sviði menntunar,“ segir skýrslan, „er ekki hægt að kalla níunda áratuginn annað en glataða áratuginn.“ Útgjöld á hvern nemanda lækkuðu um þriðjung og aðeins 67 af hundraði innrituðust í grunnskóla í stað 79 af hundraði áður. Heilbrigðisþjónustan er líka á undanhaldi í mörgum Afríkulöndum þar sem margar heilsugæslustöðvar loka sökum skorts á starfsfólki og lyfjum.

Skýrslan tilgreinir nokkrar orsakir fyrir efnahags­kreppu álfunnar, meðal annars hernaðarútgjöld, minnkandi viðskipti og gífurlegar skuldir sem sérfræðingar segja að sé aldrei hægt að greiða. „Afríka nær sér aldrei,“ segir í skýrslu UNICEF, „nema til komi umfangsmeiri alþjóðleg aðstoð en áður hefur þekkst.“

Eru líkur á að til hennar komi? Biblían er raunsæ er hún segir: „Treyst­ið eigi tignarmennum, mönnum sem enga hjálp geta veitt.“ (Sálmur 146:3) Lausnin á hinum djúptæku vandamálum Afríku er ekki í höndum mennskra stjórnvalda. Það er ríki Guðs sem veita mun varanlega lausn — ekki bara fyrir Afríku heldur allan heiminn. — Matteus 6:10.

[Rétthafi myndar á blaðsíðu 31]

WHO/OXFAM