Hvað gerir fjölskyldulífið hamingjuríkt?

HVAÐ SEGIR BIBLÍAN?

„Þeir sem heyra orð Guðs og fara eftir því, þeir eru hamingjusamir.“ – Lúkas 11:28, Nýheimsþýðingin.

HVAÐ ÞÝÐIR ÞAÐ FYRIR ÞIG?

Þú getur fundið sanna ást. – Efesusbréfið 5:28, 29.

Þú getur notið virðingar. – Efesusbréfið 5:33.

Þú getur búið við öryggi. – Markús 10:6–9.

ER HÆGT AÐ TREYSTA ÞVÍ SEM BIBLÍAN SEGIR?

Já, og ástæðurnar eru að minnsta kosti tvær:

• Guð er höfundur fjölskyldunnar. Í Biblíunni segir að sérhver fjölskylda eigi Jehóva Guði tilveru sína að þakka. (Efesusbréfið 3:14, 15) Fjölskyldan er með öðrum orðum til vegna þess að Jehóva skapaði hana. Hvers vegna skiptir það máli?

  Lítum á dæmi: Segjum að þú sért að borða ljúffenga máltíð og þig langi til að fá uppskriftina. Hvern myndirðu spyrja? Þann sem eldaði, að sjálfsögðu.

  Ef þig langar til að fá uppskriftina að hamingjuríku fjölskyldulífi ættirðu að leita til Jehóva sem er höfundur fjölskyldunnar. – 1. Mósebók 2:18–24.

• Guð ber umhyggju fyrir þér. Það er skynsamlegt af fjölskyldum að leita ráða hjá Jehóva Guði. Hvers vegna? Vegna þess að „hann ber umhyggju fyrir ykkur“. (1. Pétursbréf 5:6, 7) Hann ber hag þinn fyrir brjósti og það er alltaf til góðs að fara eftir leiðbeiningum hans sem er að finna í Biblíunni. – Orðskviðirnir 3:5, 6; Jesaja 48:17, 18.