Stuðningur okkar við ríki Guðs – að byggja samkomuhús og veita neyðaraðstoð

ÞÚ GENGUR inn í ríkissalinn en hann er næstum óþekkjanlegur. Þú hefur alltaf verið stoltur af þessu húsi. Þú átt kannski góðar minningar frá þeim tíma þegar þú lagðir hönd á plóginn við að byggja það fyrir mörgum árum. En þú ert enn stoltari núna því að það er búið að breyta ríkissalnum tímabundið í miðstöð fyrir neyðaraðstoð. Mikið óveður er nýgengið yfir með tilheyrandi flóðum, og deildarnefndin gerði tafarlaust ráðstafanir til að sjá þeim sem urðu illa úti af völdum hamfaranna fyrir mat, fatnaði, drykkjarvatni og öðrum nauðsynjum. Hjálpargögnunum, sem fólk hefur gefið, er snyrtilega komið fyrir. Bræður og systur standa í röð til að fá það sem þau vantar, og þú sérð marga þurrka gleðitárin af augum sér.

Jesús sagði að fylgjendur sínir myndu öðru fremur þekkjast á því að þeir elskuðu hver annan. (Jóh. 13:34, 35) Í þessum hluta könnum við hvernig kristinn kærleikur birtist í byggingarframkvæmdum og hjálparstarfi sem Vottar Jehóva standa fyrir. Þessi kærleikur er skýrt merki þess að við störfum undir stjórn ríkisins sem Jesús er konungur yfir.