Farðu rækilega yfir svæðið þitt
1 Á íbúðasvæðum rekumst við af og til á lítil atvinnufyrirtæki, eins og matvörubúð, veitingastað eða verkstæði. Ef þessi fyrirtæki teljast hluti af starfssvæðinu ættir þú að heimsækja þau á sama hátt og íbúðirnar á svæðinu.
2 Þú gætir notað einföld, stutt kynningarorð, ef til vill á þessa leið: „Ég er með nokkuð sem mig langar til að sýna þér.“ Ef eigandinn virðist upptekinn þá stundina gætir þú látið nægja að bjóða smárit og segja: „Ég lít við aftur þegar þú ert ekki svona upptekinn. Mig langar til að vita hvað þér finnst um þetta.“
3 Það er engin þörf á að kvíða fyrir þessu starfi. Boðberi nokkur sagði svo frá: „Ég átti von á neikvæðum viðbrögðum. En mér til undrunar voru viðbrögðin við boðskapnum um Guðsríki algerlega á hina hliðina. Fólk var kurteist og vingjarnlegt og þáði næstum alltaf blöðin.“
4 Kona, sem starfaði á fasteignasölu, bauð vottunum inn á skrifstofu sína. Hún þáði blöðin og lét í ljós áhuga á að hafa biblíunám. Henni var sýnd Þekkingarbókin og biblíunám var hafið samstundis, þar á skrifstofunni hennar.
5 Það verkefni að fara rækilega yfir starfssvæði þitt felur í sér að heimsækja einstaklinga sem reka þjónustufyrirtæki á því svæði. (Post. 10:42) Farðu á alla slíka staði á sama hátt og þú ferð til heimilanna. Þá munt þú ekki aðeins fara betur yfir starfssvæðið þitt heldur má vera að þér verði umbunað með ánægjulegum árangri heimsókna þinna.