Hvers vegna við elskum bræðrafélag okkar

Hvernig getum við, í þessum kærleikslausa heimi, haldið áfram að sýna trúbræðrum okkar að við elskum þá heitt? (1. Pét. 2:17) Hvernig getum við sýnt öðrum fram á að ósvikið alheimsbræðralag sé í raun og veru til? (Matt. 23:8) Með aðstoð myndbandsins Our Whole Association of Brothers (Bræðrafélag okkar). Það bendir á hvers vegna við elskum hvert annað. Reyndu að svara þessum spurningum:

(1) Hvað þrennt stundum við ásamt alheimsbræðrafélagi okkar? (2) Hvernig sýna bræður okkar staðfestu sína við boðun fagnaðarerindisins (a) í víðáttum Alaska, (b) við gríðarstórar hafnir í Evrópu, og (c) í þéttum skógum í Perú? (3) Hvaða hjálpargögn eru sérstaklega áhrifarík í boðunarstarfinu? (4) Af hverju ætti okkur aldrei að finnast boðunarstarfið hversdagslegt starf? (5) Nefnið dæmi um hvernig vottar Jehóva hafa stutt og hughreyst hver annan á neyðartímum — eftir jarðskjálfta, fellibylji eða í borgarastríðum. (Sjá ummæli Takaos í Vaknið!, enskri útgáfu, 22. ágúst 1995, bls. 23 og ummæli Kotoyo í Vaknið!, enskri útgáfu, 22. október 1996, bls. 20) (6) Hvernig getum við öll sýnt hið áberandi auðkenni kristna bræðralagsins? (Jóh. 13:35) (7) Hversu mikils ættum við að meta samkomurnar? (8) Hvaða áhrif hefur það á þá, sem ekki hafa haft ríkissal fyrir samkomurnar, að eignast ríkissal? (9) Hvernig héldu bræður okkar í Rússlandi og Austur-Evrópu sér andlega sterkum þegar starfið var bannað? (10) Hvaða sérstöku fyrirhöfn leggja margir vottar á sig til þess að sækja mót og hvers vegna? Hvaða áhrif hefur það á þig? (11) Hvers vegna ert þú staðráðinn í að tilbiðja Guð með bræðrafélaginu, að hjálpa öðrum á neyðartímum og boða fagnaðarerindið dyggilega hvenær og hvernig sem þú getur? (12) Af hverju væri gott að eiga eigið eintak af myndbandinu og sýna það eins mörgum áhugasömum og mögulegt er?