Ný dagskrá fyrir sérstaka mótsdaginn

Stef sérstaka mótsdagsins fyrir þjónustuárið 2008 er „Við erum leirinn og Jehóva mótar okkur“. Það er byggt á Jesaja 64:7. Sú biblíufræðsla, sem við fáum á þessu móti, mun dýpka skilning okkar á visku, réttlæti, mætti og kærleika Jehóva Guðs, leirkerasmiðsins mikla.

Í ræðu farandhirðisins „‚Ker til viðhafnar‘ í boðunarstarfinu“ verður bent á að sífellt fleiri njóta þeirrar miklu blessunar að þekkja sannleikann og segja öðrum frá honum. Í ræðunni „Hugleiðing er okkur til verndar“ verður útskýrt hvernig það getur verndað okkur að íhuga vandlega réttlátar meginreglur Jehóva. Fulltrúar deildarskrifstofunnar flytja ræðurnar „Hegðið yður eigi eftir öld þessari“ og „Látum Jehóva móta okkur“. Ræðurnar „Ungt fólk sem er verðmætt í þjónustu Jehóva“ og „Foreldrar gegna mikilvægu hlutverki í að móta börnin“ verða sérstaklega hvetjandi fyrir yngri kynslóðina og foreldra. Við hlökkum til að fylgjast með sýnidæmum og viðtölum og fá þannig að heyra og sjá hvernig bræðrum okkar og systrum gengur í boðunarstarfinu. Þeir sem vilja tákna vígslu sína við Guð með vatnsskírn ættu að láta umsjónarmann í forsæti vita eins fljótt og hægt er. Munið að taka með ykkur Varðturnsblaðið sem á að fara yfir í vikunni sem sérstaki mótsdagurinn er haldinn.

Leirkerasmiðurinn mikli framkvæmir allt sem hann ætlar sér. En það er undir hverju og einu okkar komið hvernig við bregðumst við þegar hann mótar okkur. Þeir sem fylgja meginreglum Jehóva eru eins og leir á hjóli leirkerasmiðs og geta látið móta sig og fága þannig að þeir verði nýtileg ker. Þegar við vinnum með Jehóva miklum við drottinvald hans og hljótum mikla blessun.