Jesús ‚lærði hlýðni‘

Jesús hefur alltaf sýnt Jehóva hlýðni. (Jóh. 8:29) Hvers vegna segir þá í Biblíunni: ‚Hann lærði hlýðni af þeim þjáningum sem hann gekk í gegnum‘? – Hebr. 5:8.

Þegar Jesús var á jörðinni stóð hann frammi fyrir aðstæðum sem fyrirfinnast ekki á himnum. Hann var alinn upp af trúföstum en ófullkomnum foreldrum. (Lúk. 2:51) Hann þoldi illa meðferð af hendi spilltra trúarleiðtoga og ranglátra embættismanna. (Matt. 26:59; Mark. 15:15) Og hann dó mjög kvalafullum dauða. Biblían segir: „Hann auðmýkti … sjálfan sig þegar hann kom sem maður og var hlýðinn allt til dauða.“ – Fil. 2:8.

Þessi lífsreynsla kenndi Jesú hlýðni við aðstæður sem hann hafði ekki kynnst á himnum. Hann gat fyrir vikið orðið fullkominn konungur og æðstiprestur, sem gæti haft samúð með okkur. (Hebr. 4:15; 5:9) Jesús varð enn dýrmætari Jehóva eftir að hafa lært hlýðni af þeim þjáningum sem hann gekk í gegnum. Við getum líka orðið Jehóva dýrmætari og komið að meira gagni í hverju því verkefni sem hann kann að gefa okkur þegar við sýnum hlýðni við erfiðar aðstæður. – Jak. 1:4.