Ráð til að lesa daglega í Biblíunni

Áttu stundum í erfiðleikum með að finna stund til að lesa daglega í Biblíunni vegna mikilla anna? (Jós. 1:8) Ef svo er gætirðu nýtt þér eftirfarandi ráð:

• Settu áminningu inn í rafrænt dagatal. Stilltu símann þannig að hann minni þig á að lesa í Biblíunni.

• Hafðu Biblíuna á áberandi stað. Ef þú lest í prentaðri útgáfu af Biblíunni skaltu hafa hana þar sem þú kemur auga á hana á hverjum degi. – 5. Mós. 11:18.

• Hlustaðu á hljóðupptökur. Á sumum tungumálum er hægt að hlusta á hljóðupptökur af lestri á Biblíunni. Þú getur hlustað á slíkar hljóðupptökur þegar þú vinnur dagleg störf. Tara er móðir og brautryðjandi sem vinnur á næturvöktum. Hún segir: „Að hlusta á hljóðupptökur af Biblíunni á meðan ég geri heimilisstörfin hjálpar mér að ‚lesa‘ í Biblíunni á hverjum degi.“

• Ekki gefast upp. Ef eitthvað kemur í veg fyrir að þú getir lesið í Biblíunni skaltu að minnsta kosti lesa nokkur vers áður en þú ferð að sofa. Ekki vanmeta það þótt þú lesir ekki nema fáein vers. – 1. Pét. 2:2.