Tennur mararhettunnar

Mararhettan er sjávarskeldýr með hettulaga skel og óvenju sterkar tennur. Þær eru gerðar úr þunnum trefjum úr hörðu steinefni sem nefnist goetít og þekur mýkri undirstöðu úr próteini.

Hugleiddu þetta: Rasp-tunga mararhettunnar er þakin röðum sveigðra tanna. Hver tönn er minna en millimetri að lengd og saman virka þær sem þjöl. Hver tönn þarf að vera gríðarlega sterk og hörð svo að hún geti skrapað þara af klettum þegar dýrið nærir sig.

Vísindamenn notuðu frumeindakraftsjá til að mæla togkraftinn sem tönnin stenst áður en hún brotnar. Þeir komust að því að togstyrkur hennar er sá mesti sem mælst hefur í lífrænu efni. Tönnin er jafnvel sterkari en silki köngulóarinnar. „Við ættum að hugleiða að gera okkar byggingar og tæki með sömu aðferðum,“ segir sá sem leiddi rannsóknina.

Vísindamenn álíta að með eftirlíkingu á tönn mararhettunnar með efnasmíði væri hægt að búa til bíla, skip, flugvélar og jafnvel smíða tennur.

Hvað heldur þú? Þróuðust hinar undraverðu tennur mararhettunnar? Eða býr hönnun að baki?