Jeremía
47 Þetta er orð Jehóva sem kom til Jeremía spámanns varðandi Filistea+ áður en faraó vann Gasa. 2 Jehóva segir:
„Vatnsflaumur kemur úr norðri
og verður að beljandi fljóti.
Það flæðir yfir landið og allt sem í því er,
borgina og íbúa hennar.
Menn munu æpa
og allir sem búa í landinu hljóða upp yfir sig.
3 Þegar hófatök hesta hans glymja,
stríðsvagnar hans drynja
og hjól hans hvína
munu feður ekki einu sinni líta við til barna sinna
því að hendur þeirra örmagnast.
4 Sá dagur nálgast að öllum Filisteum verði eytt.+
Þá verður öllum útrýmt sem eftir eru af bandamönnum Týrusar+ og Sídonar+
því að Jehóva eyðir Filisteum,
öllum sem eftir eru af þeim sem fluttust frá eyjunni Kaftór.*+
5 Gasa verður sköllótt.*
Askalon er þögnuð.+
Hversu lengi ætlið þið að skera ykkur,+
þið sem eftir eruð á sléttum þeirra?
6 Ó, sverð Jehóva,+
hvenær ætlarðu að róast?
Farðu aftur í slíðrin.
Dragðu þig í hlé og þagnaðu.
7 Hvernig getur það verið rólegt
þegar Jehóva hefur skipað því fyrir?
Gegn Askalon og sjávarströndinni,+
þangað hefur hann sent það.“