Gleðjumst og fögnum

1. Við getum þeim fjársjóði fagnað

sem fær ekki grandað neitt ryð,

því gersemar gervallrar jarðar

nú ganga með okkur í lið.

Sú gleði sér grundvöll á traustan,

á Guðs orði rótföst er byggð,

Við dag hvern það duglega lesum,

trú dafnar við námið og tryggð.

Sem glóð er í hjartanu glóir

er gleðin svo djúpstæð og virk.

Því þrátt fyrir þrautir og raunir

Guð þolgæði veitir og styrk.

2. Af gleði við gjafir hans dáum,

jörð gaf hann og himin og haf.

Bók sköpunarverksins við skoðum

og skilninginn auðgum þar af.

Við sigursæl segjum þær fréttir

að senn fari stjórn Guðs í hönd,

að fætt sé nú friðarins ríki

og flytjum þau boð um öll lönd.

Um eilífð menn fögnuð þá finna

er fagur Guðs dagur nýr rís,

öll heitin um heimsskipan nýja

og hamingju í paradís.