Spurningakassinn

◼ Hversu lengi ættum við að halda biblíunámskeiði áfram ef nemandinn tekur framförum?

Þegar biblíunemandi tekur framförum er best að halda biblíunámi áfram þar til farið hefur verið yfir tvö rit — Hvað kennir Biblían? og „Látið kærleika Guðs varðveita ykkur“. Það á einnig við þegar nemandinn lætur skírast áður en hann hefur lokið við báðar bækurnar. Þótt biblíunemandinn sé skírður getum við talið áfram starfstímann, endurheimsókn og biblíunám. Ef annar boðberi er með í náminu og tekur þátt í því getur hann einnig talið starfstímann. — Sjá Ríkisþjónustu okkar, mars 2009, bls. 2.

Það er mikilvægt að þeir sem eru nýir fái góðan grunn í trúnni áður en þeir þurfa að standa á eigin fótum. Þeir þurfa að vera,rófestir‘ í Kristi og,staðfastir í trúnni‘, til að geta staðist þær prófraunir sem eiga eftir að mæta þeim. (Kól. 2:6, 7; 2. Tím. 3:12; 1. Pét. 5:8, 9) Þeir þurfa líka að fá staðgóða,þekkingu á sannleikanum‘ til að geta kennt öðrum á áhrifaríkan hátt. (1. Tím. 2:4) Með því að fara yfir báðar bækurnar með biblíunemendum hjálpum við þeim að fóta sig vel á,veginum er liggur til lífsins‘. — Matt. 7:14.

Áður en öldungar samþykja að einstaklingur fái að láta skírast ættu þeir að fullvissa sig um að hann skilji vel helstu kenningar Biblíunnar og lifi í samræmi við þær. Öldungar þurfa að sýna sérstaka aðgát ef biblíunemandinn er ekki búinn að fara yfir fyrri námsbókina. Ef einhver er ekki tilbúinn að láta skírast munu öldungarnir sjá til þess að hann fái aðstoð til að geta orðið hæfur til skírnar seinna meir.— Sjá Söfnuður skipulagður til að gera vilja Guðs, bls. 217-218.

[Innskot á bls. 2]

Það er mikilvægt að nýir nái góðri fótfestu í trúnni.