Uwẹ Be Muegbe Nin Uwẹ Rẹ Kuẹlo Da Emhin Idunmhuri?

Beji ọkpẹnlẹn ọsi ọne agbọn nan rẹ sikẹ otọ, mhan lẹnmhin ghe okhọnlẹn bi ugbele dẹ wo ha tuẹn okhun. (Re 6:4) Be imhan ha rẹ muegbe khẹ ene ọkakale nan yẹ?

• Muegbe nin uwẹ rẹ manman sikẹ iJehova nọnsẹn: Lẹn adia bi okha ne ribhi Baibo ne ha sabọ rẹkpa uwẹ mun udu nyan iJehova bi agbotu nọnsọle, bi ene ha rẹkpa uwẹ nin uwẹ hẹi deba ibo soso bhi ọne agbọn nan. (Pr 12:5; jr 125-126 ¶23-24) Ọne ẹghe nan ọ rẹ khẹke nin uwẹ rẹ deba ibhio ẹ bhi agbotu ha mhọn ikolu nọn ziẹnlẹn.​—1Pe 4:​7, 8

• Muegbe emhin nin uwẹ ha rẹ ha gbẹloghe egbe ọbhi otọ: Ha mhọn emhanmhan nin uwẹ ha rẹ debhi uwa a sade uwẹ bha sabọ dagbare, bi ebale nin uwẹ ha le bhi ọne ẹghe nin. Sẹyẹ, mhanmhan ebi uwẹ ha rẹ nẹ sibhi uwa re yẹ. Fẹ emhin ne ribhi obhi ẹkpa nin uwẹ ha sabọ mun kpanọ, uwẹ ha yẹ ne igho bi ebi uwẹ ha rẹ gbega egbe ọbhọ. Lẹn ebi uwẹ ha rẹ sabọ tie ene ewanlẹn yẹ bi ebi ele ha rẹ sabọ lẹn eji uwẹ ye yẹ.​—Isa 32:2; g17.5 3-7

Hẹi zobọ bhọ rẹ ha lu ilọnmhọn oga bhi ẹghe idunmhuri. (Php 1:10) Hẹi wo gheghe ha khian yo khian re ahamiẹn a bha yọle nin uwẹ kpanọ. (Mt 10:16) Ha gha ebale bi emhin nekẹle nin uwẹ mhọnlẹn nin ẹbho.​—Ro 12:13.

GHE ỌNE IVIDIO NATIỌLE UWẸ BE MUEGBE KHẸ EMHIN IDUNMHURI NE HA SABỌ SUNU? BHA HA KI GHE ỌLE FO, WANNIẸN ENE INỌNTA NAN:

• Be iJehova ha rẹ sabọ rẹkpa mhan yẹ bhi ẹghe idunmhuri?

• Be imhan ha lu rẹ muegbe ọbhi otọ?

• Be imhan ha rẹ rẹkpa ẹbho nekẹle yẹ nin emhin idunmhuri sunu je?