UNYẸNMHIN NỌN KHẸKE ENE RẸKHAN IJESU
Muegbe Ọbhi Otọ bhi Ẹghe Ọkpẹnlẹn ọsi Ẹghe Ọkike
Beji mhan rẹ re ziẹngbe rẹ nyẹnlẹn bhi ẹghe ọkpẹnlẹn ọsi ọne ẹghe ọkike nan, mhan lẹnmhin ghe emhin dẹ wo ha khọ ọbhọ. (2Ti 3:1; nwtsty study note ọsi Mt 24:8) Ẹbho nesi Jehova wo miẹn adia bhi ẹghe nọn khẹke nọn ha re ele miuhọnmhọn sade emhin idunmhuri sunu. Nin mhan rẹ sabọ miuhọnmhọn sade emhin idunmhuri sunu, ọkhẹke nin mhan ha re obọ rẹkhan adia nin agbotu re nin mhan nian, rẹji uwedẹ kẹkẹ nin mhan ha rẹ sabọ muegbe ọbhi otọ.—Lu 16:10.
Ziẹn ikolu nin uwẹ bhi Jehova ko mhọnlẹn: Ha tie iBaibo yẹ luẹ ọle ẹghe rebhe. Luẹ uwedẹ kẹkẹ nan rẹ tẹmhọn Osẹnobulua. Hẹi ha kpokpo egbe sade a mun uwẹ sibhi eji ibhio mhan ye re bhi obhi ẹghe khere. (Isa 30:15) Lẹn sẹbhọ ghe Jehova bi Jesu ne uwẹ dia ẹghe rebhe.—od 176 ¶15-17
Mhanmhan emhin eso ọbhi otọ: Rẹ deba obhi ẹkpa nin mhan ha sabọ re ẹjẹje mun rẹkhan egbe, ọ yẹ khẹke nin azagba-uwa kẹkẹ ha mhọn ebale, amẹn, ikhunmhun, bi emhin nekẹle nin ele mhanmhan ọbhi otọ, nin ele ha sabọ noo sade ele nẹko bhi ẹghe nọn tan ranmhude emhin idunmhuri nọn ha sabọ sunu.—Pr 22:3; g17.5 4, 6
GHE ỌNE IVIDIO NATIỌLE, UWẸ BE MUEGBE KHẸ EMHIN IDUNMHURI NE HA SABỌ SUNU? BHA HA KI GHE ỌLE FO, WANNIẸN ENE INỌNTA NAN:
Be imhan ha rẹ sabọ ziẹn ikolu nin mhan bi Jehova ko mhọnlẹn yẹ ọkuẹsẹ emhin idunmhuri sunu?
Bezẹle nọn da khẹke. . .
nin mhan re ifoni nọmba bi adrẹsi nọnsẹmhan nin ene ewanlẹn bhi agbotu?
nin mhan mhanmhan obhi ẹkpa nin mhan ha sabọ re ẹjẹje mun rẹkhan egbe?
nin mhan zilo nyan emhin idunmhuri kẹkẹ ne ha sabọ sunu bhi eji mhan ye bi ebi mhan ha lu yẹ sade ọ sunu?
Be bhọ uwedẹ ea nin mhan ha rẹ sabọ rẹkpa ẹbho nekẹle yẹ sade emhin idunmhuri sunu ji ele?
NỌỌN EGBE Ẹ, ‘Be bhọ emhin nin mẹn ha sabọ miẹn luẹ bhi ẹghe ọne icorona virus nan rẹji ebi mẹn ha rẹ sabọ ha muegbe ọbhi otọ yẹ?’