Re Egbe Rebhe Lu Ọle

Ijiẹmhin Ọsi Jesu

IVIDIO: Jesu Man Nikodemọs Emhin

1. Ghe ọne IVIDIO, la uwẹ ha tie Jọni 3:1, 2. Uwẹ ha lu iriọ fo, re ewanniẹn ọbhi ene inọnta ne ribhi otọle.

1. Be uwẹ riale ọ zẹle nin Nikodemọs da bu Jesu re bhi ọsasọn? —Fẹ Jọni 12:42, 43 ghe.

2. Be Jesu rẹ rẹman yẹ ghe ọle mun egbe ọbhi iwẹnna nin ọle ha lu, bhi ẹghe nin Nikodemọs rẹ bu ọle re bhi ọsasọn?

Be Imhan Luẹ Bhi Obọ Jesu?

2. Mhan dẹ rẹman ghe mhan hoẹmhọn ẹbho sade mhan muegbe nin mhan rẹ noo ẹghe nọnsẹmhan rẹ rẹkpa ele kiẹn edibo.

Ebi Mhan Ha Rẹ Re Egbe Khọkhọ Jesu Yẹ

3. Deba ọria nin uwẹ man ọlẹn Baibo luẹ emhin bhi ẹghe nọn yẹẹ ọle, bi eje ha fu ọle bhi egbe. Asabọmiẹn ọria nin mhan man ọlẹn Baibo mhọn ẹghe kpataki nin ọle guanọ nin mhan rẹ ha vae. A sabọ yẹ miẹn eji ọle da wẹnna, uwa nọnsọle la ije ebhebhe, ọle ha fu ọle bhi egbe nẹ nin mhan da ha bu ọle re. Beji uwẹ ha sabọ lu sẹ, dọnmhegbe nin uwẹ rẹ fi emhanmhan nọnsẹ denọ, beji uwẹ ha da sabọ deba ọle ha luẹ Baibo bhi ẹghe nin ọle zẹle, bi eje ha fu ọle bhi egbe.

4. Deba ọle ha luẹ emhin ẹghe-ẹghe. Ahamiẹn ghe uwẹ ida miẹn otọ rẹ deba ọle luẹ Baibo bhi ẹdẹ nin bha rẹyi, hẹi wo gbe ọne ẹdẹ nin an. Ria eria nyan emhin nin uwẹ ha sabọ lu, bọsi:

1. Nin uwẹ rẹ deba ọne ọria luẹ Baibo bhi ẹghe ọbhebhe bhi ọne uzana nin.

2. Nin uwẹ rẹ noo ifoni la itanẹt rẹ ne ọle zilo.

3. La, nin uwẹ rẹ taman obhio mhan ọbhebhe nọn ne uwẹ man ọlẹn emhin.

5. Bhii Jehova nọn rẹkpa uwẹ rẹ ha ghe emhin bhi uwedẹ nọn khẹke. Ahamiẹn ọria nin uwẹ man ọlẹn Baibo ikẹ miẹn otọ rẹ luẹ emhin, la ọle ire obọ rẹkhan ebi ọle luẹ, egbe ọle sabọ rẹ lọ uwẹ. Bhiriọ, bhii Jehova nin ọle rẹkpa uwẹ, beji a ha da miẹn ghe egbe ọle bha lọ uwẹ. (Fil. 2:13) Asabọmiẹn ọria nin uwẹ man ọlẹn Baibo mhọn ikpẹ esili ne bunbun. Bhiriọ, bhii Osẹnobulua nin ọle rẹkpa uwẹ rẹ denọ ẹlo ọbhi ikpẹ esili nesọle.