Dis A Tel Wi Bout Paat 7

Da paat ya a-go tel wi bout King Saal an King Dievid, an it a-go tel wi bout tingz we did gwaan iina dem laif fi bout 80 ier. Wen Saal staat out, im did ombl an av nof rispek fi Gad. Bot likl afta dat, im staat fi du im uona ting an no du wa Jeuova tel im fi du. Kaaz a dat, Jeuova neehn waahn notn fi du wid im. Afta a taim, im tel Samwel fi go pik Dievid fi ton di neks king iina Izrel. Saal did bad main Dievid so im chrai fi kil im nof taim. Bot Dievid neva eva chrai fi du im bak notn. Saal did av wan son we niem Janatan, an im did don nuo se a Dievid Jeuova pik fi bi king. So im stik tu Dievid. Dievid did en op du som bad tingz, bot wen Jeuova jraa im op, im aalwiez tek it. Ef yu av pikni, elp dem fi si wa mek dem fi aalwiez du wa Jeuova waahn dem fi du.