LECCIÓN 20

Ndixi ió yíko̱ chúun tein congregación

Edición impresa

Jeová kutoóna ña̱ jaá kuití ná koo yíko̱ chúun (1 Corintios 14:33, TNM). Sa̱ʼá ña̱yóʼo ió yíko̱ ndixi kuchúun na̱ ñuu Jeová. ¿Ndixi kéena jaá ió yíko̱ chúun tein congregación cristiana? ¿Ndixi kuu kee iin ta iinyó jaá ná chindeé táʼanyó ña̱ yíko̱ ná koo chúun?

1. ¿Ndáyoo kúú na̱ saʼndá chúun tein congregación cristiana?

“Cristo kúú jini̱ tein congregación” (Efesios 5:23, TNM). Nda̱ nuu̱ nakaa̱ Jesús indiví néʼe yíko̱na ndijaá chúun kée na̱ kúú ñuu Jeová inííkúú ñuyíví. Ni̱ka̱xina na̱ kúú “esclavo fiel y prudente”: iin grupo lóʼo̱ na̱ anciano na̱ ndeé kuchúun va̱ʼa nuu̱ Ndio̱s na̱ naní Cuerpo Gobernante (kaʼviní Mateo 24:45-47, TNM). Tátu̱ʼun ni̱sakee na̱ apóstol ta na̱ anciano ni̱sandoyi Jerusalén siglo kúú nu̱ú, na̱ Cuerpo Gobernante néʼe yíko̱na chúun kuaʼa̱nna tein congregación inííkúú ñuyíví (Hechos 15:2). Jo ndijaá ta̱a yóʼo ko̱ kúúra jini̱ tein organización. Jaá kuitívá ndukúra kéera ña̱ kúni̱ Jeová sa̱ʼá ña̱yóʼo ndíko̱ra ña̱ va̱xi nuu̱ Biblia, ta janí xinijo̱ʼora chúun saʼndá Jesús.

2. ¿Ndá chúun kée na̱ kúú anciano?

Na̱ anciano cristiano—na̱ kúú ta̱a ni̱sisa kuchúun nuu̱ Ndio̱s—kúú na̱yóʼo na̱ jánaʼa̱ saʼa̱ Tu̱ʼun Ndio̱s, janí vií ndaána ta xíʼona ta̱ndeé ini nuu̱ na̱ kuaʼa̱n tein congregación. Na̱yóʼo ko̱ kíʼinya̱ʼvina saʼa̱ chúun kéena. Va̱ʼa chááka̱, kéena tátu̱ʼun káchi Tu̱ʼun Ndio̱s “Ta o̱ sa̱ kée ndóa̱n sa̱ꞌá ña̱ kátoó ndo̱ di̱ꞌón. Diꞌa kee ndóa̱n sa̱ꞌá ña̱ ndinoꞌo ini ndo̱ kóni̱ ndo̱ chindeé ndó na̱” (1 Pedro 5:1, 2). Na̱ kúú siervo ministerial chindeéna na̱ kúú anciano, ta janí tá ndeé kuchúun va̱ʼa na̱yóʼo tátu̱ʼun káchi Tu̱ʼun Ndio̱s kuu saa̱na kakuuna anciano.

Na̱ Cuerpo Gobernante ka̱xina java na̱ kúú anciano jaá ná saa̱na kakuuna superintendente circuito. Na̱ ñani yóʼo kuaʼa̱nna xitoniʼnina kuaʼa̱ congregación nuu̱ jánaʼa̱na saʼa̱ Tu̱ʼun Ndio̱s ta naki̱ʼona ta̱ndeé ini nuu̱ na̱ ñani táʼanna. Ta janí, ka̱xina na̱ kakuu anciano o siervo ministerial tá ndéʼéna ña̱ na̱yóʼo ndeé kuchúun va̱ʼana tátu̱ʼun káchi Tu̱ʼun Ndio̱s (1 Timoteo 3:1-10, 12; Tito 1:5-9).

3. ¿Ndá chúun kée iin ta iin na̱ kúú Testigo?

Ndijaá na̱ kuaʼa̱n tein congregación kekáʼnona “kivi̱ Jeová” tá xítana yaa o káʼa̱nna ña̱ kundaa̱ inina jaá kekáʼnona Ndio̱s. Ta janí kéena ña̱yóʼo tá kuaʼa̱nna kástu̱ʼunna saʼa̱ Tu̱ʼun Ndio̱s, tátu̱ʼun ki̱ʼo kandeé iin ta iinna (kaʼviní Salmo 148:12, 13).

NÁ KUNDAA̱ VA̱ʼA CHÁÁKA̱ INIYÓ SAʼA̱ TEMA YÓʼO

Ná kande̱ʼéyó ndiki̱ʼo kée Jesús jaá kúúna na̱ saʼndá chúun, ta ndixi kánian kee na̱ kúú anciano jaá naʼa̱na ña̱ ndíko̱na tátu̱ʼun ki̱ʼo kée Jesús ta janí kati̱ʼayó ndixi kuu keeyó jaá va̱ʼa kuchúunyó xíʼín Jesús ta xíʼín na̱ anciano.

4. Jesús kúú na̱ saʼndá chúun ta kúni̱na ña̱ va̱ʼa ná kuu iniyó kuchúunyó xíʼínna

Jesús ñúchí káʼa̱nna xíʼínyó ña̱ ná kuyatiyó nuu̱na. Kaʼvindó Mateo 11:28-30 ta kanatúʼúnndó saʼa̱ ña̱ va̱xi yóʼo:

¿Ndiki̱ʼo ió ini Jesús jaá kúúna na̱ saʼndá chúun? Ta ¿ndixi kúni̱ Jesús ná kuu iniyó?

¿Ndixi kée na̱ kúú anciano jaá naʼa̱na ña̱ ndíko̱na tátu̱ʼun ki̱ʼo kée Jesús? Kande̱ʼéndó VIDEO.

VIDEO: Ndixi ni̱chindeé na̱ anciano tá ni̱ya̱ʼa ña̱ ni̱ta̱an nuu̱ ñuu Nepal (4:56)

Táʼya nakani Tu̱ʼun Ndio̱s ndiki̱ʼo va̱ʼa kánian kuchúun na̱ kúú anciano.

Kaʼvindó Isaías 32:2 xíʼín 1 Pedro 5:1-3, ta kanatúʼúnndó saʼa̱ ña̱ va̱xi yóʼo:

Jesús ni̱saxi̱ʼona ta̱ndeé ini nuu̱ javaka̱na. ¿Ndixi kuu ininí viti ña̱ ni̱kundaa̱ ininí ña̱ na̱ anciano ndíʼi inina saʼa̱ní tátu̱ʼun ki̱ʼo ni̱sakee Jesús?
¿Ndiku̱ú javaka̱ ña̱ʼa kée na̱ anciano jaá naʼa̱na ña̱ ndíko̱na tátu̱ʼun ki̱ʼo kée Jesús?

5. Na̱ kúú anciano jánaʼa̱na nuu̱ javaka̱na xíʼín tátu̱ʼun ki̱ʼo kée miína

¿Ndixi kúni̱ Jesús ná kande̱ʼé na̱ kúú anciano chúun kéena? Kande̱ʼéndó VIDEO.

VIDEO: Ndoʼó na̱ anciano, ¡kuaʼa̱nndó nu̱ú! (7:39)

Táʼya ni̱ka̱ʼa̱n Jesús tátu̱ʼun kánian kakuu ini na̱ kúú anciano néʼe yíko̱ chúun tein congregación. Kaʼvindó Mateo 23:8-12 ta kanatúʼúnndó saʼa̱ ña̱ va̱xi yóʼo:

¿Ndixi káchi Tu̱ʼun Ndio̱s tátu̱ʼun kánian kakuu ini na̱ kúú anciano? ¿Á káʼánní ña̱ ta̱ kúú jutu̱ o javaka̱ ta̱ ndíta nu̱ú javaka̱ religión kéera tátu̱ʼun ni̱saʼnda Jesús chúun?

A. Dibujo nuu̱ naʼa̱ iin anciano ndixi keera jákuaʼara Tu̱ʼun Ndio̱s xíʼín na̱veʼera: 1. Xiniñúʼún xíka̱ taʼvira ta jákuaʼara Tu̱ʼun Ndio̱s. 2. Jánaʼara ña̱ káʼa̱n Tu̱ʼun Ndio̱s nuu̱ deʼe jií loʼora ta ñajiíra chindeéña.

B. Ta mií anciano yóʼo xíʼín ñajiíra kuaʼana kande̱ʼéna iin ki̱ʼana congregación nakaña hospital.

Na̱ kúú anciano ndíʼi inina kanetáʼan va̱ʼa chááka̱na xíʼín Jeová ta janí chindeéna na̱veʼena jaá ná keena ña̱yóʼo.
Na̱ kúú anciano ndíʼi inina saʼa̱ ndijaá táʼa̱n na̱ kúú kuendá congregación.
Na̱ kúú anciano jaá kuití kuaʼa̱nna jánaʼa̱na saʼa̱ Tu̱ʼun Ndio̱s.
Na̱ kúú anciano kúúna na̱ jánaʼa̱ saʼa̱ Tu̱ʼun Ndio̱s. Janí chindeéna nuu̱ nduvi̱í Salón Reino o nuu̱ ió javaka̱ chúun.

6. Ná chindeé táʼanyó xíʼín na̱ kúú anciano

Tu̱ʼun Ndio̱s nakani ndiva̱ʼa kúni̱ʼi ña̱ chindeé táʼanyó xíʼín na̱ kúú anciano. Kaʼvindó Hebreos 13:17 ta kanatúʼúnndó saʼa̱ ña̱ va̱xi yóʼo:

¿Ndiva̱ʼa káchi Tu̱ʼun Ndio̱s ña̱ kánian kunijo̱ʼoyó ta kéeyó chúun saʼndá na̱ kúú anciano? ¿Á káʼánní ña̱ iin ña̱ kuáchi̱ ndiva̱ʼo kúú ña̱yóʼo? Ta ¿ndiva̱ʼa?

Kaʼvindó Lucas 16:10 ta kanatúʼúnndó saʼa̱ ña̱ va̱xi yóʼo:

¿Ndiva̱ʼa káʼán miíní ña̱ kúni̱ʼi ña̱ chindeé táʼanyó xíʼín na̱ kúú anciano tá saʼndána ndikáa miívá chúun nuu̱yó?

ÑA̱ KÁʼA̱N INGA NA̱YIVI: “Ko̱ xiniñúʼúnyó kakuuyó kuendá ni iin religión”.

¿Ndiku̱ú ña̱ va̱ʼa niʼi̱yó tá ná kekáʼnoyó Ndio̱s tein congregación?

ÑA̱ NI̱KATI̱ʼAYÓ

Jesús kúú na̱ saʼndá chúun tein congregación cristiana. Na̱ kúú anciano xinijo̱ʼona chúun saʼndá Jesús, ta miíyó kujii̱ iniyó chindeé táʼanyó xíʼínna, jáchi̱ ndaána miíyó ta jánaʼa̱na nuu̱yó xíʼín tátu̱ʼun ki̱ʼo kée miína.