ღმერთი გვპირდება, რომ დედამიწა არასოდეს განადგურდება

ამ დასკვნამდე მივიდნენ საერთაშორისო მკვლევრები, რომლებიც კლიმატურ ცვლილებებს შეისწავლიან. მათთვის, ვისაც შემოქმედის სწამს, მეცნიერების ეს დასკვნა იმის მტკიცებულებაა, რომ ღმერთმა დედამიწა თვითაღდგენის უნარით შექმნა.

თუმცა ადამიანები იმდენად დიდ ზიანს აყენებენ ჩვენს პლანეტას, რომ მხოლოდ ბუნებრივი პროცესებით ამის გამოსწორება შეუძლებელია. რა გვაძლევს იმის მტკიცე საფუძველს, რომ დედამიწის გადასარჩენად ღმერთი საჭირო ზომებს მიიღებს?

ჩარჩოში მოცემული მუხლები დაგარწმუნებთ, რომ ჩვენი პლანეტა არათუ განადგურდება, არამედ ბევრად უკეთეს საცხოვრებელ ადგილად იქცევა.

• დედამიწა ღვთის შექმნილია. „თავდაპირველად ღმერთმა შექმნა ცა და დედამიწა“ (დაბადება 1:1).

• ჩვენი პლანეტა ღვთის საკუთრებაა. „იეჰოვასიაa დედამიწა და ყოველივე მასზე არსებული“ (ფსალმუნი 24:1).

• ღმერთმა დედამიწას თვითგადარჩენის უნარი უბოძა. „მყარ საძირკველზე დააფუძნე დედამიწა, არ მოირყევა მარადიულად, სამარადისოდ“ (ფსალმუნი 104:5).

• ღმერთი გვპირდება, რომ ჩვენს პლანეტაზე სიცოცხლე არასოდეს შეწყდება. „აი, რას ამბობს . . . ჭეშმარიტი ღმერთი, დედამიწის შემქმნელი და შემოქმედი, . . რომელსაც ტყუილუბრალოდ არ შეუქმნია ის, დასასახლებლად შექმნა“ (ესაია 45:18).

• ღვთის დაპირების თანახმად, ადამიანები მარადიულად იცხოვრებენ დედამიწაზე. „მართლები დაიმკვიდრებენ დედამიწას და მარადიულად იცხოვრებენ მასზე“ (ფსალმუნი 37:29).

ღმერთმა დედამიწა თვითაღდგენის უნარით შექმნა, რაც იმას ნიშნავს, რომ თუ ადამიანები გონივრულად გამოიყენებენ მის რესურსებს, გარემოს გამოუსწორებელი ზიანი არ მიადგება. ბიბლიაში ნაწინასწარმეტყველებია, რომ ღმერთს დანიშნული აქვს დრო, როცა ბოლოს მოუღებს ყველას, ვინც ეგოისტური მიზნების გამო საფრთხეს უქმნის ჩვენს პლანეტას (გამოცხადება 11:18).

ბიბლიური დანაპირების თანახმად, ღმერთი დედამიწას სამოთხედ აქცევს და დააკმაყოფილებს „ყოველი სულდგმულის სურვილს“ (ფსალმუნი 145:16).