წარღვნიდან ისრაელთა გათავისუფლებამდე

წარღვნის დროს მხოლოდ რვა ადამიანი გადარჩა. დროთა განმავლობაში ისინი გამრავლდნენ და მათმა რიცხვმა ათასებს მიაღწია. წარღვნიდან 352 წლის შემდეგ დაიბადა აბრაამი. ჩვენ გავიგებთ, როგორ მისცა ღმერთმა აბრაამს დაპირებული შვილი, ისაკი. მოგვიანებით ღმერთმა ისაკის ორი ვაჟიდან იაკობი ამოირჩია.

იაკობს დიდი ოჯახი ჰქონდა; მას 12 ვაჟი და რამდენიმე ქალიშვილი ჰყავდა. იაკობის 10 ვაჟს სძულდა თავიანთი უმცროსი ძმა, იოსები, და ეგვიპტეში ის მონად გაყიდეს. წლების შემდეგ იოსები ეგვიპტის გავლენიანი მმართველი გახდა. როცა შიმშილობა ჩამოვარდა, იოსებმა გამოსცადა თავისი ძმები, რომ გაეგო, რა ჰქონდათ გულში. ბოლოს, ისრაელები, ანუ იაკობი და მისი ოჯახი, ეგვიპტეში გადავიდნენ საცხოვრებლად. ეს აბრაამის დაბადებიდან 290 წლის შემდეგ მოხდა.

ისრაელებმა ეგვიპტეში 215 წელი დაჰყვეს. იოსების სიკვდილის შემდეგ ისინი ეგვიპტელთა მონები გახდნენ. იმ ხანებში დაიბადა მოსე. ღმერთმა მისი მეშვეობით იხსნა ისრაელი მონობისგან. მეორე ნაწილში წავიკითხავთ 857 წლის მანძილზე მომხდარი მოვლენების შესახებ.