ბიბლიური ქვეყნები

როდესაც ისრაელი აღთქმულ მიწაზე შესასვლელად ემზადებოდა, მოსემ ღვთის წინაშე თავისი უდიდესი სურვილი გამოთქვა: „გადავიდოდი და ვიხილავდი ამ მადლიან ქვეყანას, იორდანეს გაღმა რომ არის“ (რჯ. 3:25, სსგ).

მოსეს არ მიეცა აღთქმულ მიწაზე შესვლის უფლება, მაგრამ ღმერთმა ნება დართო, ასულიყო იერიხონის წინ მდებარე მთაზე და დაენახა ‘გალაადის ქვეყანა დანამდე, იუდას მთელი ქვეყანა დასავლეთით მდებარე ზღვამდე, ნეგები და იორდანეს ველი’ (რჯ. 3:27; 34:1—4). გსმენიათ ეს სახელწოდებები? იცით მათი ადგილმდებარეობა?

დღეს იეჰოვას მოწმეთაგან ცოტას თუ აქვს შესაძლებლობა, ეწვიოს ბიბლიაში მოხსენიებულ ადგილებს. მათ არ შეუძლიათ ის გააკეთონ, რისი გაკეთებაც ღმერთმა აბრაამს დაავალა. კერძოდ, წავიდნენ და მოიარონ აღთქმული მიწის „სიგრძე და განი“ (დბ. 13:14—17). მიუხედავად ამისა, ჭეშმარიტ ქრისტიანებს ძალიან აინტერესებთ, სად მდებარეობს ესა თუ ის ბიბლიური ადგილი და როგორ უკავშირდება ისინი ერთმანეთს.

პუბლიკაცია «ეწვიეთ „მადლიან ქვეყანას“» შესანიშნავი დამხმარე საშუალებაა წმინდა წერილებში უკეთ ჩასაწვდომად. ატლასში შესულია ბიბლიური ადგილების ფოტოსურათები. მაგალითად, ერთ-ერთია გალაადის ხედი, რომელიც გარეკანზეა მოცემული. გეოგრაფიული რუკები კიდევ უფრო მეტ ინფორმაციას შეიცავს და გვეხმარება ბიბლიური ადგილების შესახებ ცოდნის გაღრმავებაში.

ატლასის მე-2 და მე-3 გვერდებზე ძირითადი ქვეყნები და რეგიონებია აღნიშნული. მაგალითად, როდესაც ნახავთ აღთქმული მიწის, ეგვიპტისა და ასურეთის (აშური) ურთიერთმდებარეობას, უკეთ ჩასწვდებით წინასწარმეტყველებებს, რომლებშიც ეს ქვეყნებია ნახსენები (ეს. 7:18; 27:13; ოს. 11:11; მქ. 7:12). აღთქმულ მიწად წოდებული პატარა სანაპირო ზოლი ძველთაგანვე გზის გასაყარზე მდებარეობდა. ამიტომ არაერთი ერი ცდილობდა ხორბლის ყანებით, ვენახებითა და ზეთისხილის ბაღებით მდიდარი ამ მიწების ხელში ჩაგდებას (რჯ. 8:8; მსჯ. 15:5).

ხანდახან შესაძლოა ერთი რუკის მეორესთან შედარება მოისურვოთ. მაგალითად, ღმერთმა იონას დაავალა, წასულიყო ასურეთის დედაქალაქში, მაგრამ მან თარშიშისკენ აიღო გეზი (იონ. 1:1—3). შეგიძლიათ იპოვოთ ეს ქვეყნები პირველ რუკაზე?

როდესაც ურს, ხარანსა და იერუსალიმს მოძებნით, იფიქრეთ, რა გრძელი გზა გაიარა აბრაამმა. იეჰოვამ აბრაამს უთხრა, დაეტოვებინა ური და გადასახლებულიყო ხარანში, შემდეგ კი — აღთქმულ მიწაზე (დბ. 11:28—12:1; სქ. 7:2—5). აბრაამის მგზავრობას უფრო ცოცხლად წარმოიდგენთ, თუ შეისწავლით მე-6 და მე-7 გვერდებზე მოცემულ მასალას, სათაურით „პატრიარქების დროინდელი მსოფლიო“.

არც პირველი და არც აქ მოცემული რუკა არ ასახავს დროის რომელიმე განსაზღვრულ პერიოდს. ამ ორი რუკის შემდეგ მოცემული რუკები, ძირითადად, ქრონოლოგიური თანმიმდევრობით არის წარმოდგენილი. რუკაზე აღნიშნული ადგილები და სხვა დეტალები ამა თუ იმ დროს მომხდარ ისტორიულ მოვლენებს უკავშირდება. მართალია საძიებელში (გვ. 34, 35) შესული არ არის რუკაზე აღნიშნული ყველა ადგილი, მაგრამ ის დაგეხმარებათ გამოკვლევის დროს თქვენთვის საჭირო რუკების შერჩევაში.

ატლასის შუა ნაწილში (გვ. 18, 19) მოთავსებულ რუკაზე უფრო დაწვრილებით არის წარმოდგენილი აღთქმული მიწის დიდი და პატარა ქალაქები. პირობითი აღნიშვნები დაგეხმარებათ, მოძებნოთ როგორც ლევიანთა ქალაქები, ისე ექვსი თავშესაფარი ქალაქი; ასევე გაიგებთ, სად არის მოხსენიებული ესა თუ ის ადგილი: ებრაულ წერილებში, ბერძნულში თუ ორივეგან.

ბიბლიაში მოხსენიებული ზოგი ადგილის მდებარეობა დღეს უცნობია. ამიტომ ასეთ ადგილთაგან უმეტესობა არ არის აღნიშნული ატლასის შუაში მოცემულ რუკაზე. ასევე შეუძლებელი იყო, ამ რუკაზე დატეულიყო ყველა დიდი თუ პატარა ქალაქი, მაგალითად ისინი, რომლებიც მოხსენიებულია ისრაელის ტომების საზღვრების ჩამონათვალში (იეს. თავები 15—19). მიუხედავად ამისა, ამ რუკაში შესულია ახლომდებარე ქალაქები, რომელთა მეშვეობითაც შეგიძლიათ მიახლოებით განსაზღვროთ თქვენთვის საჭირო ადგილის მდებარეობა. რუკაზე გამოყოფილია ზოგიერთი გეოგრაფიული ადგილი (მთები, მდინარეები, ხევები). რელიეფი სხვადასხვა ფერით არის წარმოდგენილი. ასეთი დეტალები დაგეხმარებათ, უფრო ნათლად წარმოიდგინოთ ბიბლიაში ასახული მოვლენები.

ბიბლიური ადგილების შესახებ უფრო დაწვრილებითი ინფორმაციის ნახვა შეიძლება ენციკლოპედიაში „წმინდა წერილების საკვლევი ცნობარი“, რომელიც მრავალ ენაზეა გამოცემულიa. ამ და სხვა სახელმძღვანელოების გამოყენებით ბიბლიის შესწავლისას ნუ დაგავიწყდებათ ატლასი «ეწვიეთ „მადლიან ქვეყანას“». გამოიყენეთ ის სასიცოცხლოდ მნიშვნელოვანი წმინდა წერილების კვლევის დროს (2ტმ. 3:16, 17).

[სქოლიო]

[რუკა 4, 5 გვერდებზე]

(სრული ტექსტი იხილეთ პუბლიკაციაში)

ბიბლიური ქვეყნები და ძირითადი ქალაქები

ა1 იტალია

ა2 რომი

ა3 სიცილია

ა3 მალტა

გ2 მაკედონია

გ2 ფილიპე

გ2 საბერძნეთი

გ3 ათენი

გ3 კორინთი

გ3 კრეტა

გ4 ლიბია

დ3 ანტიოქია (პისიდიის)

დ3 ეფესო

დ3 პატმოსი

დ3 როდოსი

დ4 მემფისი

დ5 ეგვიპტე

ე2 მცირე აზია

ე3 ტარსოსი

ე3 ანტიოქია (სირიის)

ე3 კვიპროსი

ე4 სიდონი

ე4 დამასკო

ე4 ტვიროსი

ე4 კესარეა

ე4 აღთქმული მიწა

ე4 იერუსალიმი

ე4 მოაბი

ე4 კადეში

ე4 ედომი

ვ3 ედემის ბაღი?

ვ3 ასურეთი

ვ3 ხარანი

ვ3 სირია

ვ5 არაბეთი

ზ3 ნინევია

ზ4 ბაბილონი

ზ4 ქალდეა

ზ4 შუშანი

ზ4 ური

თ3 მიდია

[მთები]

ე5 მ. სინა

ზ2 არარატის მთები

[წყლები]

გ3 ხმელთაშუა ზღვა (დიდი ზღვა)

ე1 შავი ზღვა

ე5 წითელი ზღვა

თ2 კასპიის ზღვა

თ5 სპარსეთის ყურე

[მდინარეები]

დ5 მდინარე ნილოსი

ვ3 მდინარე ევფრატი

ზ3 მდინარე ტიგროსი