აბი-ალბონი

ბენიამინელი; ცნობილი მეომარი, რომელიც მეფე დავითის ყველაზე ძლიერ 37 მებრძოლს შორის მოიხსენიება (2სმ. 23:31). როგორც ჩანს, ის არის პარალელურ მუხლში, 1 მატიანის 11:32-ში, მოხსენიებული აბიელი. მას ეწოდება არბათელი, შესაძლოა იმის გამო, რომ წარმოშობით იყო ქალაქ ბეთ-არაბადან, რომელიც ბენიამინისა და იუდას საზღვართან ახლოს, მკვდარი ზღვის ჩრდილოეთით მდებარეობდა (იეს. 15:6; 18:18, 21, 22). ბრძოლაში მისი სიმამაცე შეესაბამებოდა იმ წინასწარმეტყველებას, რომელიც იაკობმა სიკვდილის სარეცელზე წარმოთქვა ბენიამინზე (დბ. 49:27).