აკრაბიმი

[მორიელები]

მაღლობი, რომელზეც იუდას სამხრეთ-აღმოსავლეთი საზღვარი გადიოდა, როცა ისრაელს ქანაანის მიწა გაუნაწილდა (რც. 34:4; მსჯ. 1:36). ის მდებარეობდა მკვდარი ზღვის უკიდურესი სამხრეთი წერტილიდან სამხრეთ-დასავლეთით 29 კილომეტრში, ცინის უდაბნოს მახლობლად. მიიჩნევენ, რომ ეს ტერიტორია დღევანდელი ნაქბ-ეს-საფაა (მაალე-აკრაბიმი), სადაც ბეერ-შებადან არაბასკენ მიმავალი გზა გადის უადი-მურას ხეობის (ნაჰალ­ზინის) გავლით. ეს სახელი მას შეიძლება იმიტომ დაერქვა, რომ ამ უკაცრიელ ადგილას ბევრი მორიელი იყო ან შესაძლოა იმიტომ, რომ ეს გზა იმდენად მიხვეულ-მოხვეული იყო, რომ მორიელის კუდს წააგავდა. როგორც ჩანს, ამ მაღლობზე გადიოდა ედომისა და სამხრეთით აკაბას ყურეში მდებარე ქალაქ აკაბასკენ მიმავალი უძველესი გზა.