მობრძანდით საოლქო კონგრესზე „ღვთის სიტყვის რწმენა“!

მილიონობით ადამიანი დაესწრება კონგრესს მთელ მსოფლიოში ასობით დანიშნულ ადგილზე. პირველი ჩატარდება 4–6 ივლისს და ბოლო — 26–28 სექტემბერს. ალბათ, ეს სამდღიანი შეკრება — პარასკევიდან კვირის ჩათვლით — შენი სახლიდან არცთუ ისე შორს ჩატარდება.

შენთვის სასარგებლო იქნება მრავალი პრაქტიკული ბიბლიური მითითება. თითქმის ყველგან პროგრამა ყოველ დილით, 9:30 იწყება მუსიკით. პარასკევ დილით იქნება 25 წუთის განმავლობაში იქნება ინტერვიუები მათთან, რომელთა ცხოვრებაზეც ღვთის სიტყვის რწმენამ დიდი გავლენა მოახდინა. პირველი ნაწილი დამთავრდება წამყვანი მოხსენებით „ვიაროთ რწმენით და არა ხილვით“.

პარასკევს შესვენების შემდეგ პირველ მოხსენებაში განხილული იქნება ახალგაზრდების უდიდესი როლი ქრისტიანულ კრებაში. შემდეგი სამნაწილიანი მოხსენებათა სერია განიხილავს ბიბლიის ნორმებს, მასში განხილულია ქრისტიანული ქცევები საუბრისა და მანერების დროს, აგრეთვე საუბარი იქნება სუფთა და ფაქიზ შესახედაობასთან დაკავშირებით. შემდეგ მოხსენებებში — „ნუ მოსუსტდებით რწმენაში“ და „ღვთის სიტყვა ცოცხალია“ — ყურადღება გამახვილებულია ებრაელთა მე-3 და მე-4 თავებში ჩაწერილ შესანიშნავ შეგონებაზე. პარასკევის პროგრამა დასრულდება მოხსენებით „წიგნი ყველასთვის“.

შაბათ დილით პირველი მოხსენება იქნება „რწმენა საქმეთა გარეშე მკვდარია“. შემდეგი მნიშვნელოვანი მოხსენება იმავე დილით იქნება „ფესვი გაიდგით და განმტკიცდით ჭეშმარიტებაში“, რომელშიც აღწერილია, თუ როგორ შეიძლება სულიერად გაძლიერება. დღის პირველი ნაწილი დასრულდება კონგრესისთვის ტრადიციული მოხსენებით „ღვთის სიტყვის რწმენა აღგვძრავს მოსანათლად“. რის შემდეგაც ყველაფერი მზად იქნება ახალი მოსწავლეების მოსანათლად.

შაბათს, შესვენების შემდეგ, შესავალი მოხსენება იქნება „მედგრად იბრძოლეთ რწმენისთვის“, რომელშიც განხილული იქნება შეგონება ბიბლიის წიგნიდან „იუდა“. ერთსაათიანი მოხსენებათა სერია, სახელწოდებით „წავიდეთ იეჰოვას სახლში“, მიმოიხილავს ქრისტიანული შეხვედრების სარგებლობას. დღის პროგრამა დასრულდება მოხსენებით „თქვენი რწმენის სიძლიერე ახლა იცდება“.

კვირადღის დილის პროგრამაში იქნება სამნაწილიანი მოხსენებათა სერია, რომლის დროსაც მოხდება ბიბლიის წიგნის „იოველის“ განხილვა და მოვისმენთ, თუ როგორ შეიძლება მისი გამოყენება დღეს. ამის შემდეგ იქნება ბიბლიური დრამა სახელწოდებით „სუფთად დაიცავით თვალი“. ყველაზე საინტერესო მომენტი ნაშუადღევს არის საჯარო მოხსენება „რწმენა და შენი მომავალი“.

ფაქტია, სულიერად გამდიდრდები კონგრესზე დასწრებით. მთელი გულით გიწვევთ, რომ დაესწრო კონგრესის ყოველ ნაწილს. წინასწარ დაგეგმე ყველაფერი, რომ დაესწრო კონგრესს. დაუკავშირდი იეჰოვას მოწმეებს სამეფო დარბაზში ან მისწერე ამ ჟურნალის გამომცემლებს, რომ გაიგო, შენს სახლთან ახლოს, სად ტარდება კონგრესი.