სწავლული ხელახლა ათარიღებს ბიბლიურ ხელნაწერს

პაპიროლოგიაში გერმანელი ექსპერტის, კარსტენ პეტერ ტიდეს, სიტყვების თანახმად, არსებობს საფუძვლიანი მტკიცება, რომ მათეს სახარების ფრაგმენტების სამი პაპირუსი (ცნობილია როგორც „მაგდალენის პაპირუსი“) პირველ საუკუნეში დაიწერა.

როცა ტედემ ეს ფრაგმენტები, რომლებიც შეიცავს მათეს 26-ე თავის ნაწილებს, ეგვიპტეში ნაპოვნ ძველი დროის საქმიან წერილს შეადარა, შეამჩნია, რომ ეგვიპტური დოკუმენტი «„მაგდალენის პაპირუსს“ ტყუპისცალივით ჰგავდა საერთო შესახედაობით და ყოველი ასოს ფორმითა და მოყვანილობით». ტიდე და მისი თანაავტორი მეტიუ დ’ანკონა თავიანთ წიგნში (Eyewitness to Jesus—Amazing New Manuscript Evidence About the Origin of the Gospels) ასკვნიან, რომ ამ ორი საბუთის მსგავსება მიუთითებს მათ ერთსა და იმავე დროს დაწერაზე. როდის დაიწერა ისინი? საქმიანი წერილი დათარიღებულია შემდეგნაირად: «„უფალ ნერონის მე-12 წლის 30 ეპიფი“ — რაც ჩვენი კალენდრით 66 წლის 24 ივლისია».

«თუ ეს დათარიღება სწორია, მას უაღრესად დიდი მნიშვნელობა აქვს, — ამბობს პროფესორი ფილიპ უ. კომფორტი „ტინდალის ბიულეტენში“ გამოქვეყნებულ სტატიაში, — რადგან მათეს სახარების ხელნაწერს იმავე საუკუნეში ათავსებს, რომელშიც სახარება დაიწერა». ასე რომ, პაპირუსებს შორის „მაგდალენის პაპირუსი“ სახარების უძველესი ფრაგმენტებიც ხდება.

[სურათი 29 გვერდზე]

„მაგდალენის პაპირუსი“ (მოცემულია თავის ზომებში).

[საავტორო უფლება]

By permission of the President and Fellows of Magdalen College, Oxford