შეკითხვების ყუთი

◼ როგორ უნდა ჩატარდეს შეხვედრები სამქადაგებლო მსახურებისთვის?

შეხვედრა სამქადაგებლო მსახურებისთვის კრების ოფიციალური შეხვედრაა. ის ორგანიზებულად და ღირსეულად უნდა ჩატარდეს. დამსწრეები მას იმავე განწყობილებითა და პატივისცემით უნდა მოეკიდონ, როგორც კრების სხვა შეხვედრებს. შეხვედრა დროულად უნდა დაიწყოთ, თუნდაც იცოდეთ, რომ სხვები მოგვიანებით შემოგიერთდებიან. ძმა, რომელსაც ამ შეხვედრის ჩატარება ევალება, ისეთი პრაქტიკული რამის წარსადგენად უნდა მოემზადოს, რაც შეიძლება იმ დღეს იქნეს გამოყენებული მსახურებისას. „ჩვენი სამეფო მსახურება“ გვთავაზობს სასარგებლო ინფორმაციასა და მითითებებს ამ შეხვედრისთვის.

აუცილებელი არ არის ყოველ შეხვედრაზე დღიური მუხლის განხილვა. თუ იმ დღის მუხლი აშკარად იძლევა სამქადაგებლო მსახურებაში გამხნევების საფუძველს, შეგიძლიათ მოკლედ განიხილოთ. შეხვედრა საკმაოდ ადრე უნდა ტარდებოდეს იმისათვის, რომ შესაძლებელი იყოს მსახურებისთვის დაგეგმილი დროის სრულად გამოყენება. შეხვედრა უნდა გრძელდებოდეს სულ 10—15 წუთი. მაგრამ შეიძლება უფრო ხანმოკლეც იყოს, თუკი კრების რომელიმე მუდმივ შეხვედრას მოჰყვება. მხედველობაშია მისაღები პიონერთა განრიგი, რადგან ხანგრძლივი ან გვიან ჩატარებული შეხვედრები სამქადაგებლო მსახურებისთვის შეიძლება ტვირთად დააწვეს მათ, ვისაც დროის განრიგის ფეხდაფეხ მიყოლა უწევს.

ზომები უნდა იქნეს მიღებული, რომ ყველა დამსწრეს ჰქონდეს ადგილი, სადაც ქადაგებას შეძლებენ. რასაკვირველია, ზოგს შეიძლება დაგეგმილი ჰქონდეს განმეორებითი მონახულება ან ბიბლიის შესწავლა, ამიტომ არ საჭიროებდეს დასამუშავებელ უბანს.

შეხვედრის განმავლობაში ყველა დამსწრე ყურადღებით უნდა იყოს, სანამ სამქადაგებლო ჯგუფებად დაიყოფიან და ლოცვა წარმოითქმება. ვისაც უკვე დაგეგმილი აქვს რაიმე სახის მსახურება, შეუძლია წინასწარ თქვას ეს. ჯგუფებად დაყოფა და უბნების დანაწილება მანამ უნდა მოხდეს, სანამ დამთავრდება შეხვედრა სამქადაგებლო მსახურებისთვის, და არა ავტომობილების სადგომსა თუ ნებისმიერ სხვა ადგილზე. შეხვედრა სამქადაგებლო მსახურებისთვის ლოცვით უნდა დამთავრდეს. შეგვიძლია დარწმუნებით ველოდოთ, რომ იეჰოვა უფრო მეტად აკურთხებს იმ დღეს სამქადაგებლო საქმიანობას, თუ ყველა იზრუნებს ამ მითითებების თანახმად მოქმედებაზე.