იპოვე სწორად განწყობილი ადამიანები

¹ სამქადაგებლო საქმის ერთ-ერთი მიზანია ‘საუკუნო სიცოცხლისათვის განწესებული [სწორად განწყობილი, აქ]’ ადამიანების პოვნა (საქ. 13:48). „საგუშაგო კოშკისა“ და „გამოიღვიძეთ!“-ის გავრცელებამ დაამტკიცა, რომ ეს საუკეთესო გზაა ამ საქმის შესასრულებლად, ვინაიდან ჩვენმა ჟურნალებმა მრავალს ამცნო სამეფოს იმედი. ამიტომ აპრილში ჟურნალებს გამოვიყენებთ. იმედია, რომ ინტერესის აღმოჩენისას ბიბლიის საშინაო შესწავლას დავიწყებთ წიგნით „მარადიულ სიცოცხლემდე მიმყვანი შემეცნება“. აქ მოცემულია ზოგიერთი რჩევა, რომლებიც შეიძლება გამოიყენო:

² პირველი აპრილის „საგუშაგო კოშკის“ გამოყენებისას, შეგიძლია გამოიყენო თემა „განადიდე მარადისობის მეფე!“, რომელიც ყურადღებას ამახვილებს გასული წლის საოლქო კონგრესის საჯარო მოხსენებაზე და თქვა:

◼ „მრავალ ადამიანს, რომლებსაც ვესაუბრეთ, სწამთ ღმერთი. ზოგიერთისთვის კი ძნელია ირწმუნოს ის. თქვენ როგორ ფიქრობთ? [საშუალება მიეცი გიპასუხოს]. ჩვენ გვაქვს მრავალი ნამდვილი მტკიცება, რომ ღმერთი არსებობს [წაიკითხე ფსალმუნის 103:24]. როდესაც ფოტოაპარატს ან კომპიუტერს ვუყურებთ, არ გვიჭირს ვაღიაროთ, რომ ის გონიერმა კონსტრუქტორმა დაამზადა. ნუთუ გონივრული იქნებოდა გვეთქვა, რომ გაცილებით რთული სხეულები, როგორიცაა დედამიწა და ჩვენ, ადამიანები, შემთხვევით წარმოვიქმენით?“ თემიდან გამოიყენე აბზაცი, რომელიც ღმერთის რწმენისთვის ურყევ საფუძველს იძლევა. თუ დაინტერესდა, შესთავაზე ჟურნალი.

³ სანამ შესთავაზებდე 1 მაისის „საგუშაგო კოშკში“ მოცემულ თემას, „რატომ ღებულობს ღვთის კურთხევას ჭეშმარიტი თაყვანისმცემლობა“, შეგეძლო გეთქვა:

◼ „როგორ ფიქრობთ, ასობით რელიგია, რომლებიც მსოფლიოში არსებობს, ყველა მისაღებია ღმერთისთვის? [საშუალება მიეცი გამოთქვას თავისი აზრი]. იესომ იწინასწარმეტყველა, რომ მრავალი მორწმუნე პიროვნების განაცხადის მიუხედავად, ისინი, ვინც არ ასრულებენ ღმერთის ნებას, უარყოფილი იქნებიან [წაიკითხე მათეს 7:21–23]. მნიშვნელოვანია, ამოვიცნოთ ის ჭეშმარიტი რელიგია, რომელსაც იესო ასწავლიდა“. გადაშალე სათაურზე, „როგორი ნაყოფი უნდა ჰქონდეს ჭეშმარიტ რელიგიას?“ და ამ აზრის ილუსტრირებისთვის განიხილე ერთ-ერთი მაგალითი.

⁴ როდესაც საუბრის ძირითად თემად გამოიყენებ 22 აპრილის „გამოიღვიძეთ!“-ის თემას „როცა ომები მეტად აღარ იქნება“ (რუს.), ასე შეგიძლია განიხილო:

◼ „ამ საუკუნეში ასობით ომი მოხდა, მათ შორის ორი მსოფლიო ომი. ფაქტიურად, ყველა მსოფლიო ლიდერი ამბობს, რომ სურს მშვიდობა. ვისაც მე ვიცნობ ყველა ამასვე ამბობს. თუ ყველას მშვიდობა სურს, მაშ, რატომ ვერ აღწევენ მას? [დააცადე, გიპასუხოს]. როგორ ფიქრობთ, რა არის საჭირო ნამდვილი მშვიდობისთვის დედამიწაზე?“ როდესაც მობინადრე გიპასუხებს, გადაშალე მე-8 და მე-9 გვერდებზე და წაიკითხე ფსალმუნის 45:9, 10. მითითებული სურათებისა და მუხლების გამოყენებით უჩვენე, თუ როგორ დაამყარებს ღმერთის სამეფო მსოფლიო მშვიდობას, რომელიც მარადიულად იქნება. შემდეგ ჰკითხე მობინადრეს, თუ სურს ჟურნალის წაკითხვა და მოელაპარაკე განმეორებით მონახულებაზე.

⁵ თუ ბევრი შეგხვდება, ვინც ამბობს, რომ დაკავებულია, შეგიძლია სცადო შემდეგი:

◼ „ჩვენ დაინტერესებული ვართ, დავეხმაროთ იმ ადამიანებს, რომლებიც დაკავებული არიან ყოველდღიური საქმიანობით და მცირე დრო რჩებათ სულიერი საქმეებისთვის. ჩვენი ჟურნალები, „საგუშაგო კოშკი“ და „გამოიღვიძეთ!“, გამიზნულია, რომ მოკლედ მოგაწოდონ ინფორმაცია იმ მნიშვნელოვან საკამათო საკითხებზე, რომლებიც გეხებათ თქვენ და თქვენს ოჯახს. მე მსურს, წასაკითხად ეს ეგზემპლარები დაგიტოვოთ“.

⁶ გახსოვდეს, ვინც ჟურნალებს იღებს შესაძლებლობა მიეცი, რომ შესწირონ მსოფლიო საქმის მხარდასაჭერად. ისინი უეჭველად მიიღებენ სარგებელს „საგუშაგო კოშკისა“ და „გამოიღვიძეთ!“-ის კითხვით, რაც „სიკეთის“ ცნობას მოუტანს (ეს. 52:7).