კეთილი ცნობის შეთავაზება დადებითი განწყობილებით
1 ყოველ ჩვენგანს სურს, თავის საქმეში სიხარული და წარმატება პოვოს, განსაკუთრებით, მოწაფეების მომზადების საქმეში. რას მოაქვს ჩვენთვის ასეთი კმაყოფილება? ეს იწყება ჩვენი დადებითი განწყობილებით, როცა სხვების დახმარების ღირსეულ საქმეს ვასრულებთ (იგავ. 11:25). კეთილი ცნობის წარდგენისას ჩვენგან გამოვლენილი მანერა უნდა აჩვენებდეს, რომ ჭეშმარიტად გვწამს, რასაც ვამბობთ. თუ გულიდან ვლაპარაკობთ, ჩვენი გულწრფელობა და პირადი დაჯერებულობა შეაღწევს მასში (ლუკ. 6:45). ჩვენს შეთავაზებებზე წინასწარი გავარჯიშებით უფრო დაჯერებულად ვიგრძნობთ თავს, როცა ჩვენს უბანში გავესაუბრებით ადამიანებს. სექტემბერში ამას განსაკუთრებული ფასი ექნება, როცა შევთავაზებთ წიგნს, „სიცოცხლე — როგორ წარმოიშვა ის? ევოლუციის გზით, თუ შემოქმედებით?“ შენ, ალბათ, მომდევნო რჩევებს დამხმარედ პოვებ, რათა კეთილი ცნობა დადებითი განწყობილებით შესთავაზო.
2 როცა სთავაზობ წიგნს, „შემოქმედებას“, პირველი მისვლისას შეგიძლია, უთხრა შემდეგი:
◼ «მეზობლებთან საუბრისას ვნახეთ, რომ ზოგი დაიმედებულია ღმერთზე. სხვებისთვის ძნელია, ირწმუნონ ღმერთი. თქვენ რას ფიქრობთ? [საშუალება მიეცი, გიპასუხოს]. დაუკვირდით, როგორ მსჯელობს ბიბლია ამაზე. [წაუკითხე რომაელთა 1:20]. ღვთის ‘მარადიული ძალისა და ღვთაებრიობის’ დადასტურება შეგვიძლია დავინახოთ მისი ქმნილებების განხილვით». წიგნის, „შემოქმედების“, 48-ე გვერდზე წაუკითხე ბოლო აბზაცი და ყურადღება გაამახვილე ცოცხალი უჯრედების აგებულების სირთულეზე. ან გამოიყენე მე-18 აბზაცი 147-ე გვერდზე, რათა აჩვენო, როგორ მიუთითებს შემოქმედის საქმეზე ხეებში ცირკულაციის განსაცვიფრებელი სისტემა. შესთავაზე წიგნი, თუ თანახმა იქნება, რომ წაიკითხავს. თანხმობის შემთხვევაში დაუტოვე და აუხსენი, რომ სამეფოს საქმისთვის შესაწირავებს სიამოვნებით მივიღებდით.
3 როცა კვლავ მიდიხარ მათთან, ვისთანაც ისაუბრე ღმერთზე, როგორც შემოქმედზე, ალბათ, გსურს, შემდეგნაირად უთხრა:
◼ „წინა შეხვედრისას ვისაუბრეთ ღვთის არსებობაზე მტკიცების შესახებ, სახელდობრ, მისი დიდებული შემოქმედების შესახებ. ნუთუ თქვენთვის ძნელია, ირწმუნოთ, რომ პიროვნება, ვინც შექმნა სამყარო, დაინტერესებულია ჩვენი მომავლით? [საშუალება მიეცი, გიპასუხოს]. საინტერესოა აღვნიშნოთ, რომ შემოქმედმა უკვე დაადგინა მომავალი“. წაუკითხე ესაიას 46:9, 10. პიროვნების ინტერესის მიხედვით გამოიყენე მე-19 თავის სურათები და მათი კომენტარები წიგნიდან, „შემოქმედება“, რათა ყურადღება გაამახვილო ღვთის მიერ დაპირებულ იდეალურ პირობებზე. წაუკითხე მე-20 თავის 1-ლი აბზაცი და შესთავაზე ბიბლიის შესწავლა. თუ თანახმაა, დაიწყე შესწავლა წიგნით, „შემეცნება“.
4 შეგიძლია, გამოიყენო ეს შეთავაზება, როცა სთავაზობ წიგნს — „შემოქმედება“:
◼ „სამეზობლოში ადამიანებთან საუბრისას დავაკვირდი, რომ უმეტესობას ძალიან სწყურია კეთილი საზოგადოება და მშვიდობიანი ქვეყნიერება. თქვენი აზრით, რატომ ვერ აღწევს ადამიანი ასეთ პირობებს? [საშუალება მიეცი, გიპასუხოს]. ზოგი პოლიტიკური ლიდერი, შესაძლოა, გულწრფელია და აკეთებს კეთილ საქმეებს, მაგრამ დაუკვირდით, რა ბრძნულ რჩევას გვაძლევს ბიბლია“. წაუკითხე ფსალმუნი 145:3, 4; შემდეგ შეეკითხე: „არის თუ არა ვინმე, ვისაც შეუძლია დააკმაყოფილოს ადამიანის მოთხოვნილებები?“ წაუკითხე მე-5 და მე-6 მუხლები. აჩვენე სურათი 251-ე გვერდზე წიგნში, „შემოქმედება“, და ყურადღება გაამახვილე ღვთის მმართველობის სარგებლობაზე. შესთავაზე წიგნი და მოიხსენიე ჩვენი ღონისძიებები შესაწირავებზე.
5 თუ პირველი მონახულებისას ღვთის მმართველობაზე საუბრობდით, განმეორებითი მონახულებისას შეგიძლია, სცადო ამ შემოთავაზებულის გამოყენება:
◼ „როცა რამდენიმე დღის წინ ვიყავი აქ, ვისაუბრეთ ადამიანის უსუსურობაზე, ნამდვილი მშვიდობა დაამყაროს დედამიწაზე. ალბათ, გახსოვთ, რომ ბიბლიაში ვიპოვეთ ასეთი უსუსურობის მიზეზი. [ხელახლა წაიკითხე ფსალმუნის 145:3]. შენიშნეთ, რატომ გვირჩია ღმერთმა, არ დავამყაროთ იმედი ადამიანებზე? [საშუალება მიეცი, გიპასუხოს]. ალბათ, დამეთანხმებით, რომ ნებისმიერი იმედი მუდმივი გადარჩენისთვის ღვთისგან უნდა მომდინარეობდეს. საფუძველი ასეთი რწმენისათვის ახსნილია ფსალმუნის 145:10-ში. [წაიკითხე]. რა უნდა გავაკეთოთ, თუ გვსურს, ვიყოთ ღვთის სამეფოს ქვეშევრდომები?“ წიგნი, „შემეცნება“, გადაშალე 250-ე გვერდზე, წაიკითხე მე-13 აბზაცი და გამოყავი იოანეს 17:3. შესთავაზე, რომ აჩვენებ, თუ როგორ ღებულობენ მილიონები მარადიულ სიცოცხლემდე მიმყვან შემეცნებას ბიბლიის შესწავლით. თუ მიიღო შეთავაზება, მიეცი წიგნი, „შემეცნება“, და დაიწყე შესწავლა.
6 მაღაზიებში ქადაგებისას შეგიძლია, გამოიყენო წიგნის, „შემოქმედების“, ეს მოკლე შეთავაზება:
◼ „დღეს ჩვენ სპეციალურ სამსახურს ვუწევთ საზოგადოების საქმიან ტერიტორიაზე მომუშავე ხალხს. ყოველ ჩვენგანს გული სტკივა ჩვენს გარშემო არსებული დამნაშავეობისა და ძალადობის გაძლიერების გამო. თქვენი აზრით, ვინ გადაჭრის პრობლემებს? [საშუალება მიეცი, გიპასუხოს]. ღმერთი გადაჭრის“. წიგნი, „შემოქმედება“, გადაშალე 196-ე გვერდზე; წაიკითხე და კომენტარი გაუკეთე იგავნის 2:21, 22-ს მე-19 აბზაცში. აჩვენე მე-16 თავის სათაური და შესთავაზე წიგნი. აუხსენი, რომ, თუმცა ჩვენი პუბლიკაციები უფასოა, ვღებულობთ მცირე შესაწირავებს სამეფოს საქმისთვის.
7 როცა განმეორებით მიდიხარ საქმიან პიროვნებასთან, რომელსაც დაუტოვე წიგნი „შემოქმედება“, შეგიძლია მომდევნო სიტყვები უთხრა:
◼ „ბოლო მონახულებისას მოვიხსენიე, რომ საბოლოოდ მხოლოდ ღმერთი მოუღებს ბოლოს დამნაშავეობასა და ძალადობას. მისი დანაპირების მიხედვით, შეგვიძლია ვირწმუნოთ, რომ დედამიწაზე მშვიდობა დამყარდება. ყურადღება მიაქციეთ არჩევანს, რომელიც ყოველი ჩვენგანის წინ დგას“. წიგნის, „შემოქმედების“, 250-ე გვერდზე წაუკითხე მე-11 აბზაცი, დაურთე ფსალმუნის 36:37, 38. კომენტარი გაუკეთე სურათს, რომელიც მოცემულია 251-ე გვერდზე და წაიკითხე მე-14 აბზაცის პირველი წინადადება. შესთავაზე ბიბლიის უსასყიდლო შესწავლა, რომელიც ჩატარდება ან მის სამუშაო ადგილზე, ან სახლში.
8 როგორც ‘ღვთის თანამშრომლებს’, ყოველგვარი მიზეზი გვაქვს, დადებითები ვიყოთ, როცა კეთილ ცნობას ვავრცელებთ (1 კორ. 3:9). ასეთი განწყობილების განვითარება, შედეგად, იეჰოვას უხვ კურთხევებს მოგვიტანს.