დაეხმარეთ მეუღლეებს, რომლებიც არ არიან იეჰოვას მოწმეები
1 დიდი სიხარულის მიზეზია, როდესაც მეუღლეები ჭეშმარიტ თაყვანისმცემლობაში არიან გაერთიანებული. მაგრამ მრავალ ოჯახში მხოლოდ ერთი მეუღლეა ჭეშმარიტების გზაზე. როგორ შეგვიძლია დავეხმაროთ მეუღლეებს, რომლებიც არ არიან იეჰოვას მოწმეები, და წავახალისოთ ჩვენთან ერთად იეჰოვას თაყვანისმცემლობისკენ? (1 ტიმ. 2:1–4).
2 ჩაწვდი მათ აზროვნებას. თუმცა ზოგი მეუღლე შეიძლება წინააღმდეგია, უმეტეს შემთხვევაში, პრობლემა გულგრილობაა ან გაუგებრობა. პიროვნება შეიძლება თავს მიტოვებულად გრძნობდეს ან ეჭვიანობდეს მეუღლეზე ახლად შეძენილი სულიერი ინტერესების გამო. „სახლში მარტო ყოფნისას თავს მიგდებულად ვგრძნობდი“, — იხსენებს ერთი ქმარი. „ვგრძნობდი, თითქოს ცოლი და ბავშვები მტოვებდნენ“, — ამბობს მეორე. ზოგი მამაკაცი შეიძლება ფიქრობს, რომ ოჯახს რელიგიის გამო კარგავს (იხილე 1990 წლის 15 აგვისტოს „საგუშაგო კოშკი“, გვერდები 20–23). ამიტომ უმჯობესია, თუ შესაძლებელია, ქმარიც თავიდანვე ესწრებოდეს ცოლთან ერთად ბიბლიის საშინაო შესწავლას.
3 ითანამშრომლეთ. მოწმე ცოლ-ქმარი ეფექტურად თანამშრომლობდა დაქორწინებული ადამიანებისთვის ჭეშმარიტების შეცნობაში დახმარების საკითხში. როგორც კი და ცოლთან დაიწყებდა შესწავლას, ძმა ქმარს აკითხავდა. მას ხშირად ეძლეოდა შესწავლის დაწყების შესაძლებლობა ქმართან.
4 გქონდეს მეგობრული დამოკიდებულება და იყავი სტუმართმოყვარე. კრებაში არსებულ ოჯახებს შეუძლიათ დაეხმარონ ისეთ ოჯახებს, რომლებიც ჯერ არ არიან ჭეშმარიტებაში გაერთიანებული, მათ მიმართ ინტერესის გამოვლენით. რამდენიმე მეგობრული შეხვედრა მეუღლესთან, რომელიც მოწმე არ არის, დაანახვებს, რომ იეჰოვას მოწმეები არიან თბილი, მზრუნველი ქრისტიანები, რომლებსაც საუკეთესო სურვილები აქვთ ყველას მიმართ.
5 დროდადრო უხუცესებს შეუძლიათ გადახედონ, თუ რა გაკეთდა ბოლო დროს ასეთი მეუღლეების დასახმარებლად და მოიფიქრონ, თუ კიდევ რა შეიძლება გაკეთდეს მათ შესაძენად იეჰოვასთვის (1 პეტ. 3:1).