ეს თითოეული ჩვენგანისგან საქმის შესრულებას მოითხოვს
1 იესო ქრისტეს ყველა მოწაფე უნდა ჩაწვდეს, რომ მონდომება — მხარი დაუჭირო და მონაწილეობა მიიღო სამეფოს შესახებ სამქადაგებლო საქმიანობაში — ძალიან მნიშვნელოვანია. იესოს ესმოდა, რომ მისი მოწაფეები სხვადასხვა რაოდენობით მოიტანდნენ ნაყოფს სამეფოს საქმეში (მათ. 13:23). თუმცა სამქადაგებლო საქმიანობის უდიდესი ნაწილი მრავალი გამრჯე პიონერის მიერ სრულდება, ქებას იმსახურებს ყველა, ვინც გულმოდგინედ განაგრძობს ღვთის განდიდებას იმდენი ნაყოფის მოტანით, რამდენიც შეუძლია (იოან. 15:8).
2 ერთობლივი მცდელობა ბევრს აკეთებს. იესომ იწინასწარმეტყველა, რომ მისი მოწაფეები ერთად უფრო დიდ საქმეს გააკეთებდნენ, ვიდრე მან გააკეთა (იოან. 14:12). ვითარება გვზღუდავს თუ საშუალებას გვაძლევს, მეტი დრო დავუთმოთ სამეფოს შესახებ ქადაგებას, ყველას მოგვეთხოვება საქმის შესრულება. ეს პავლეს ნათქვამს შეესაბამება: „მთელი სხეული, შენაწევრებული და შემტკიცებული ყოველნაირი მაცოცხლებელი კავშირების საშუალებით, სხეულის თითოეული ასოს ზომიერად მოქმედებით იზრდება“ (ეფეს. 4:16).
3 ზოგი შეიძლება ფიქრობს, რომ ცოტას აკეთებს. მაგრამ იეჰოვას თვალში მნიშვნელოვანი მთელი სულით მსახურებაა. ყველაფერს, რასაც მისთვის ვაკეთებთ, ძვირფასი და დაფასებულია (შეადარე ლუკა 21:1–4).
4 განაგრძე საქმის მხარდაჭერა. თითოეულ ჩვენგანს შეუძლია, მსოფლიო სამქადაგებლო საქმიანობას მატერიალურად დაუჭიროს მხარი. ზოგი აგრეთვე ფიზიკური შრომით ეხმარება სამეფოს საქმეს. თითოეული ცდილობს, კარგად მომზადებული კომენტარები გააკეთოს შეხვედრებზე და მონაწილეობა მიიღოს თეოკრატიული სამსახურის სკოლაში. ყოველი ხელსაყრელი შესაძლებლობისას სხვების გამხნევებით ძვირფასი წვლილი შეგვაქვს კრების სულიერობაში, რაც უფრო შესაძლებელს გახდის იმ საქმიანობის დამთავრებას, რომელიც მას აქვს მინდობილი.
5 დიახ, ეს თითოეული ჩვენგანისგან სამუშაოს შესრულებას მოითხოვს. არავინ უნდა იფიქროს, რომ მას არ შეუძლია ამის გაკეთება. დიდი წვლილი შეგვაქვს თუ პატარა იეჰოვას მსახურებაში, ეს გამოგვარჩევს როგორც ღვთის ჭეშმარიტ მსახურებს (მალ. 3:18). თითოეულ ჩვენგანს შეუძლია მნიშვნელოვანი წვლილი შეიტანოს იეჰოვას განდიდებაში და სხვების დახმარებაში, რომ გაეცნონ და ემსახურონ მას.