საუკეთესოდ გამოიყენე ძველი წიგნები

¹ ყველგან მთელ დედამიწაზე ბიბლიოთეკებში მილიონობით ძველი წიგნია შენახული. მაგრამ მოუტანა ამ წიგნებმა ხანგრძლივი სარგებლობა კაცობრიობას? (ეკლ. 12:12). უფრო ძვირფასია წიგნები, რომლებიც ყურადღებას ამახვილებს ღვთის სამეფოზე და იმაზე, თუ რას გააკეთებს ის კაცობრიობის საკეთილდღეოდ. მრავალ კრებას აქვს ისეთი წიგნების მარაგი, როგორიცაა: „უსმინეთ დიდებულ მასწავლებელს“, „ერთადერთი ჭეშმარიტი ღვთისადმი თაყვანისცემაში გაერთიანებულნი“, „მოაწყვე ბედნიერი ოჯახური ცხოვრება“ და „შენ შეგიძლია მარადიული ცხოვრება სამოთხეში დედამიწაზე“. იანვარში ჩვენ ამ ძველ წიგნებს გავავრცელებთ.

² ისინი ნამდვილად ღირებულია. თუმცა ზოგი ჩვენგანი შეიძლება ფიქრობდეს, რომ ეს წიგნები დაძველდა ჩვენს ახალ წიგნებთან შედარებით, უნდა გვახსოვდეს, რომ ისინი შეიცავენ ბიბლიურ ჭეშმარიტებას. სამეფო ცნობა, რომელსაც ისინი ხსნიან, ისეთივე ძვირფასია და თუ დაიცავენ სიცოცხლის გადარჩენასაც შეიძლება მოემსახუროს (იოან. 17:3). ამიტომ, ყველანაირად უნდა შევეცადოთ, რომ საუკეთესოდ გამოვიყენოთ ძველი წიგნები.

³ მათ ფასს ხაზს უსვამს ერთი ქალბატონის შემთხვევა, რომელმაც ბებიისგან მემკვიდრეობით მიიღო საზოგადოება „საგუშაგო კოშკის“ ძველი პუბლიკაციები. ერთმა მოწმემ ჰკითხა მას, თუ იცოდა ამ პუბლიკაციების ნამდვილი ფასი. მან უპასუხა: „მე არ ვიცი მათი ფასი, მაგრამ როგორ გავიგო?“ ქალბატონმა დაიწყო ბიბლიის შესწავლა, დადგა ჭეშმარიტებაში და მას შემდეგ დააფასა ბებიის ბიბლიოთეკა. მართლაც რა ძვირფასი მემკვიდრეობა აღმოჩნდა ეს ძველი წიგნები!

⁴ გამოიყენე ისინი. კარდაკარ გავრცელების გარდა, შენ შეგიძლია შესთავაზო ეს ძველი წიგნები, როდესაც განმეორებით მოინახულებ ისეთ ადამიანებს, რომლებიც სიამოვნებით კითხულობენ ჩვენს პუბლიკაციებს, აგრეთვე მათ, რომლებიც ჟურნალების დატარების მარშრუტზე არიან. ბიბლიის შემსწავლელებს შეიძლება ამ წიგნებმა მისცეს ისეთი ცოდნა, რომელიც დაეხმარება ჭეშმარიტების შესახებ ცოდნის გაღრმავებაში. აუცილებლად შეეცადე შეიძინო ნებისმიერი წიგნი, რომელიც არ გაქვს ბიბლიოთეკაში. ამგვარად, შენ შეაგროვებ ძვირფას თეოკრატიულ ბიბლიოთეკას, რომელიც გაამდიდრებს შენს პირად შესწავლას.

⁵ თუმცა ამ წიგნების შეკვეთა აღარ შეიძლება, მრავალ კრებას ჯერ კიდევ აქვს ისინი დიდი რაოდენობა. იმის მაგივრად, რომ საწყობში გველაგოს ეს წიგნები, მოდი საუკეთესოდ გამოვიყენოთ ისინი, რათა აღვძრათ ადამიანები, რომლებსაც ვხვდებით, რომ ‘ღვთისა ეშინოდეთ და დაიცვან მისი მცნებანი’ (ეკლ. 12:13).