სამსახურებრივი შეხვედრები მარტში
1 მარტით დაწყებული კვირა
სიმღერა №32
8 წთ.: ადგილობრივი განცხადებები. შერჩეული განცხადებები „ჩვენი სამეფო მსახურებიდან“.
17 წთ.: „ქრისტეს სიკვდილის გახსენება მსოფლიო მასშტაბით“. კითხვა-პასუხები. ჩართე აზრები 1997 წლის 1 თებერვლის „საგუშაგო კოშკიდან“, გვ. 11, 12, აბზ. 10—14. ხაზი გაუსვი, როგორ აღძრა უღრმესმა სიყვარულმა იეჰოვა, ჩვენი გამოსყიდვისთვის ეზრუნა.
20 წთ.: აპრილსა და მაისში დამხმარე პიონერობისკენ აღმძვრელი მიზეზები. სამსახურებრივი ზედამხედველის მოხსენება და აუდიტორიასთან ერთად განხილვა, რომელშიც ის ყველას მოუწოდებს, სერიოზულად დაფიქრდნენ დამხმარე პიონერებად მსახურებაზე. მოიხსენიე პიონერებისა და დამხმარე პიონერებისთვის საათების ნორმაში შეტანილი ცვლილებები, რაზეც საუბარია 1999 წლის იანვრის „ჩვენს სამეფო მსახურებაში“, გვ. 5. ამ ცვლილებებმა უფრო მეტს უნდა მისცეს სრული დროით მსახურების დაწყების საშუალება. ახსენი, როგორ აღგვძრავს ქრისტეს მსხვერპლისადმი მადლიერება, მთელი ძალებით ვიქადაგოთ (2 კორ. 5:14, 15). წელს გახსენების საღამო აპრილის პირველ დღეს უწევს. რა შესანიშნავი სტიმულია სამეფოს მაუწყებლებისთვის მთელი თვის განმავლობაში მსახურებაში მონაწილეობა გაზარდონ! განიხილე შერჩეული ღირსშესანიშნავი პუნქტები 1997 წლის თებერვლისა და 1998 წლის მარტის „ჩვენი სამეფო მსახურების“ დანართებიდან, სადაც დამხმარე პიონერული მსახურება ირჩევა. განიხილე, როგორ შეიძლება მათში მოცემული განრიგების ნიმუშების მორგება. განიხილე ადგილობრივი ღონისძიებები მსახურებისთვის, რაც სხვებთან ერთად მსახურების მეტ შესაძლებლობას იძლევა. წაახალისე მაუწყებლები, შეხვედრის შემდეგ დამხმარე პიონერობის განცხადებები აიღონ.
სიმღერა №43 და ლოცვა
8 მარტით დაწყებული კვირა
სიმღერა №51
10 წთ.: ადგილობრივი განცხადებები. საფინანსო ანგარიში. აუდიტორიასთან ერთად განიხილე შეკითხვების ყუთი.
20 წთ.: „მოიწვიე ისინი“. კითხვა-პასუხები. აღნიშნე, რომ ყოველთვის საჭიროა, ახლად დაინტერესებულები კრების შეხვედრებზე მოვიწვიოთ. ინსცენირება გაუკეთე დაინტერესებულთან საუბარს, რომელშიც გამოიყენებ მასალას წიგნიდან „შემეცნება“, გვერდი 159, აბზაცი 20, და გვერდები 162, 163, აბზაცები 5—8. მოუწოდე ყველას, ყველანაირად შეეცადონ, დახმარება აღმოუჩინონ ბიბლიის შემსწავლელებსა და სხვა დაინტერესებულებს 1 აპრილს გახსენების საღამოზე დასწრებაში. აჩვენე დაბეჭდილი მოსაწვევი და ახსენი, როგორ შეიძლება მისი საუკეთესოდ გამოყენება. ამ კვირას ყველამ უნდა დაიწყოს გახსენების საღამოს მოსაწვევების გავრცელება.
15 წთ.: „როგორ მონაწილეობს მთელი ოჯახი — კრების შეხვედრებზე“. განიხილავს ოჯახი. სტატიის მთავარი აზრების აღნიშვნისას განიხილავენ, როგორ შეუძლიათ მთელი ოჯახით მოემზადონ შეხვედრებისთვის. განიხილავენ, როგორ შეუძლიათ ერთმანეთს დაეხმარონ მონაწილეობის მიღებაში და რა უნდა აკეთონ, რომ ოჯახი დროულად მიდიოდეს შეხვედრებზე.
სიმღერა №164 და ლოცვა
15 მარტით დაწყებული კვირა
სიმღერა №53
10 წთ.: ადგილობრივი განცხადებები. განიხილე სტატია „დაესწრებით?“.
15 წთ.: „სამსახურებრივი თანაშემწეები ძვირფას სამსახურს სწევენ“. უნარიანი სამსახურებრივი თანაშემწის მოხსენება. განიხილე მთავარი აზრები წიგნიდან „ჩვენი მსახურება“, გვერდები 57—60 (რუს.). ახსენი, როგორ გამოიყენებიან სამსახურებრივი თანაშემწეები თქვენი კრების დასახმარებლად.
20 წთ.: ვისარგებლოთ 1999 წლის „წელიწდეულით“. განიხილავს ცოლ-ქმარი. ქმარი ამბობს, რომ პირველად „წელიწდეული“ წიგნად 1927 წელს გამოვიდა და იმ დროიდან მოყოლებული, 70 წელზე მეტი ხნის მანძილზე, მასში ყოველთვის იყო ჩასმული იეჰოვას მოწმეების მსოფლიო ანგარიში. ისინი განიხილავენ ღირსშესანიშნავ მომენტებს „1998 წლის შედეგებიდან“ 31-ე გვერდზე. შემდეგ განიხილავენ 3—5 გვერდებზე მოცემულ „წერილს ხელმძღვანელი საბჭოსგან“ და აზრს გამოთქვამენ, როგორ გამოეხმაურონ შემოთავაზებულ გამხნევებას.
სიმღერა №204 და ლოცვა
22 მარტით დაწყებული კვირა
სიმღერა №162
10 წთ.: ადგილობრივი განცხადებები. გამოაცხადე ისინი, ვინც აპრილში დამხმარე პიონერად იმსახურებს. თქვი, რომ ჯერ კიდევ შეიძლება განცხადებების შევსება. მოიხსენიე აპრილის მთლიანი გეგმა მსახურებისთვის განკუთვნილი შეხვედრებისთვის. მოუწოდე ყველას, გახსენების საღამოსთვის მიჰყვნენ ბიბლიის კითხვის გეგმას 27 მარტიდან 1 აპრილის ჩათვლით, ბროშურის „საღვთო წერილის ყოველდღიური განხილვა — 1999“ და „1999 წლის კალენდრის“ მიხედვით.
15 წთ.: მოემზადეთ გახსენების საღამოსთვის. მოხსენება. ყველამ უნდა დაგეგმოს, დაეხმაროს ბიბლიის შემსწავლელებსა და სხვა დაინტერესებულებს, დაესწრონ გახსენების საღამოს. ახლებს შეიძლება არ ესმოდეთ, ვინ იღებს სიმბოლოებს ან რა მნიშვნელობა აქვს ზეიმს. განიხილე 1996 წლის 1 აპრილის „საგუშაგო კოშკიდან“ 6—8 გვერდებზე მოცემული ინფორმაცია და აჩვენე, როგორ შეიძლება დავეხმაროთ ახალ დაინტერესებულებს, გაიგონ ამ ზეიმის მნიშვნელობა და მიზანი. დაასრულე „გახსენების საღამოსთან დაკავშირებული შეხსენებების“ განხილვით და მოიხსენიე ადგილობრივი ღონისძიებები.
20 წთ.: „რა ხდება სიკვდილის დროს?“ უხუცესი ორ ან სამ უნარიან მაუწყებელთან ერთად არჩევს, რა ძვირფასია ეს ბროშურა და როგორ შეიძლება მისი გამოყენება. ალბათ, ჩვენ უკვე კარგად გავეცანით ამ ბროშურას. ვიყენებთ მას ეფექტურად სამქადაგებლო მსახურებაში? ჯგუფი განიხილავს შემდეგს: რატომ აინტერესებს ეს საკითხი მრავალს? ცრუ რელიგიების სწავლებებისგან განსხვავებით, რა იმედს იძლევა ეს ბროშურა? როგორ გამოვიყენოთ უკანა ყდაზე მოცემული კითხვები ინტერესის აღსაძვრელად? რა შესაძლებლობები არსებობს, რომ ბროშურა შევთავაზოთ? გააკეთე შეთავაზების ინსცენირება და გამოიყენე 27-ე გვერდზე მე-14 აბზაცში მოცემული ბიბლიური მუხლები. მოუწოდე ყველას, მზად იყვნენ ამ ბროშურის გამოსაყენებლად.
სიმღერა №185 და ლოცვა
29 მარტით დაწყებული კვირა
სიმღერა №124
12 წთ.: ადგილობრივი განცხადებები. შეახსენე ყველას, ჩააბარონ მარტის სამქადაგებლო მსახურების ანგარიში. აპრილში გავავრცელებთ ჟურნალებს „საგუშაგო კოშკი“ და „გამოიღვიძეთ!“. აჩვენე მიმდინარე ნომრები, აღნიშნე, რომელი სტატიების გაშუქება შეიძლება, და მოიხსენიე ზოგი კონკრეტული საკითხი საუბრის დასაწყებად. მსახურებაში ყველამ თან უნდა ატაროს ბროშურა „რას მოითხოვს“, რომ დაინტერესებულებთან ბიბლიის შესწავლა დაიწყოს.
15 წთ.: ადგილობრივი მოთხოვნილებები.
18 წთ.: როგორ უნდა შევხვდეთ რჩევას? უხუცესის მოხსენება. ყველა ჩვენგანს ესაჭიროება რჩევა აზროვნებასთან, ქცევასთან, მეგობრობასა თუ კრების საქმეებში მონაწილეობასთან დაკავშირებით. ზოგჯერ ჩვევად გვაქვს, შევეწინააღმდეგოთ რჩევას ან გავნაწყენდეთ. რჩევის მიღებისა და მიყოლის მზადყოფნა შეიძლება გადამწყვეტი იყოს ჩვენი სულიერი კეთილდღეობისთვის. განიხილე ძირითადი ფაქტორები, რომლებიც ხაზს უსვამს იმის მიზეზებს, თუ რატომ უნდა მივიღოთ რჩევა და მივყვეთ მას (იხილე uw თავი 16 [რუს.]).
სიმღერა №46 და ლოცვა