ქადაგება ჩვენი განმასხვავებელი ნიშანია
1 ბევრი სვამს კითხვას, რით განსხვავდებიან იეჰოვას მოწმეები სხვა რელიგიებისგანო. რას უპასუხებდი? შეგეძლო აგეხსნა ბიბლიაზე დაფუძნებული ზოგი ჩვენი შეხედულება. მაგრამ გიფიქრია იმის აღნიშვნაზეც, რამდენად განვსხვავდებით სხვა რელიგიებისგან ჩვენი საჯარო მსახურებით? (მათ. 24:14; 28:19, 20).
2 დღეს რელიგიის მიმდევარი ადამიანებიდან მცირე თუ არის მოწადინებული, სხვებს გაუზიარონ თავიანთი შეხედულებები. ისინი შეიძლება ფიქრობდნენ, რომ საკმარისია კეისრის კანონების შესრულება, ზნეობრივად სუფთა ცხოვრება ან სიკეთის ქმნა, მაგრამ თავს ვალდებულად არ თვლიან, რომ სხვებს გადარჩენის მიღწევის შესახებ ბიბლიური ცნობა ამცნონ. ჩვენ რით განვსხვავდებით?
3 ჩვენი გულმოდგინე მსახურება სრულიად განსხვავდება იმისგან, რასაც სხვა რელიგიები აკეთებენ. 100 წელზე მეტია ჩვენს დროში მცხოვრები მოწმეები გულმოდგინედ ქადაგებენ კეთილ ცნობას დედამიწის კიდეებამდე, რითაც პირველ ქრისტიანებს ბაძავენ. ამას იმ მიზნით ვაკეთებთ, რომ რაც შეიძლება მეტ ადამიანს დავეხმაროთ ღვთის ნების შესაბამისად ცხოვრებაში (1 ტიმ. 2:4; 2 პეტ. 3:9).
4 როგორი რეპუტაცია გაქვს? გიცნობენ, როგორც ღვთის სიტყვის გულმოდგინე მქადაგებელს? (საქ. 17:2, 3; 18:25). ადვილად ხედავენ მეზობლები, რომ შენი სამქადაგებლო საქმიანობით შენი რელიგია განსხვავდება მათი რელიგიისგან? გიცნობენ როგორც ძალიან მოწადინებულს სხვებისთვის იმედის გაზიარებაში? რეგულარულად გაქვს დაგეგმილი მსახურება? გახსოვდეს, რომ არა მარტო სახელია ჩვენი განმასხვავებელი ნიშანი, არამედ იმის კეთებაც, რაც ამ სახელში დევს — დამოწმება იეჰოვას შესახებ (ეს. 43:10).
5 ღვთისა და მოყვასის მიმართ სიყვარული აღგვძრავს, ჩავებათ სამქადაგებლო მსახურებაში (მათ. 22:37—39). აი, რატომ გვინდა იესოსა და მისი მოციქულების მსგავსად ნებისმიერი შესაძლებლობის გამოყენება, რომ სამეფოს შესახებ ცნობა გავუზიაროთ სხვებს. მოდი კვლავაც გულმოდგინედ ვუქადაგოთ კეთილი ცნობა მათ, ვინც მზად არის მოსასმენად. გულწრფელ ადამიანებს ეს დაეხმარება, ‘განარჩიონ ღვთის მორჩილი და მისი ურჩი’ (მალ. 3:18).