რა დაგვეხმარება მტკიცე რწმენის შენარჩუნებაში?

¹ მას შემდეგ, რაც იეჰოვას ორგანიზაციასთან დავიწყეთ ურთიერთობა, სულიერ წინსვლას სიხარული მოაქვს ჩვენთვის. მაგრამ კვლავ ‘ფესვგადგმული, აშენებული და რწმენით განმტკიცებული’ რომ ვიყოთ, არ უნდა შევაჩეროთ სულიერი წინსვლა (კოლ. 2:6, 7). მაშინ როცა უმრავლესობა სულიერ წინსვლას განიცდის, ზოგი სწორი გზიდან უხვევს, რადგან ‘მტკიცედ აღარ დგანან რწმენაში’ (1 კორ. 16:13, სსგ). არ უნდა დავუშვათ, რომ ეს დაგვემართოს. როგორ შეიძლება ამის გაკეთება?

² რეგულარული სულიერი მოღვაწეობა. შეადგინე კარგი განრიგი, რათა სულიერი საქმეებით იყო დაკავებული იეჰოვას ორგანიზაციაში, სადაც ჩვენს სულიერ მოთხოვნილებებზე ყოველმხრივ ზრუნავენ. კრების შეხვედრები და კონგრესები სტიმულის მომცემია, რომ კიდევ უფრო გავიზარდოთ სულიერად და სიმტკიცე შევინარჩუნოთ; ისინი იმ მიზნით ტარდება, რომ მათზე რეგულარულად დასწრებით უამრავი სარგებლობა მივიღოთ (ებრ. 10:24, 25). თუ წესად ვიხდით ბიბლიის, ჟურნალების „საგუშაგო კოშკი“ და „გამოიღვიძეთ!“ და სხვა წიგნების რეგულარულად კითხვას, რომელთა საშუალებითაც ღვთის სიტყვიდან ‘მაგარ საჭმელს’ ვიღებთ, ღრმად გავიდგამთ სულიერ ფესვებს და გავძლიერდებით (ებრ. 5:14). აგრეთვე ხანგრძლივ სარგებლობას მოგვიტანს პირადი სულიერი მიზნების დასახვა და მთელი ძალებით მათ განსახორციელებლად მუშაობა (ფილ. 3:16).

³ მოწიფულებისგან დახმარების მიღება. რაც შეიძლება მეტ სულიერად მოწიფულ პიროვნებასთან იქონიე ურთიერთობა კრებაში. გაიცანი უხუცესები, რადგან, პირველ რიგში, მათ შეუძლიათ ჩვენი განმტკიცება (1 თეს. 2:11, 12). მზადყოფნით მიიღე მათგან ნებისმიერი რჩევა ან წინადადება (ეფეს. 4:11—16). სამსახურებრივი თანაშემწეებიც დაინტერესებული არიან, დაეხმარონ სხვებს რწმენის განმტკიცებაში. ასე რომ, მიმართე ამ ძმებს, რომ გამხნევდე.

⁴ საჭიროებ დახმარებას მსახურებაში? დაელაპარაკე უხუცესებს და სთხოვე, რომ დაგეხმარონ. შეიძლება დახმარება მიიღო პროგრამიდან „პიონერები ეხმარებიან სხვებს“. ახალი მონათლული ხარ? გამოიკვლიე წიგნი „ჩვენი მსახურება“ (რუს.) და გამოიყენე ნასწავლი, რაც ხელს შეუწყობს შენს სულიერ მოწიფულობას. მშობელი ხარ? ყოველთვის ეცადე, სულიერად განამტკიცო შვილები (ეფეს. 6:4).

⁵ თუ ჩვენი რწმენა ღრმად ფესვგადგმული და შეურყეველი იქნება, ახლო ურთიერთობა გვექნება იეჰოვასთან და ჩვენს ძმებთან. ეს შეგვაძლებინებს, წინააღვუდგეთ სატანის შემოტევებს, და განგვიმტკიცებს მარადიული მომავლის იმედს (1 პეტ. 5:9, 10).