„იღვაწე რწმენის კეთილი ღვაწლით“

¹ მოციქული პავლე ტიმოთეს ურჩევდა: „იღვაწე რწმენის კეთილი ღვაწლით“ (1 ტიმ. 6:12). პავლე თვითონვე ცხოვრობდა ამ სიტყვების თანახმად. მოგვიანებით, ის დარწმუნებით ამბობდა, რომ კარგად იღვწოდა (2 ტიმ. 4:6—8). ის მსახურებას ყოველთვის მტკიცედ, გაბედულად და მოთმინებით განაგრძობდა. მისი მაგალითის მიბაძვით, ჩვენც შეგვიძლია გვქონდეს ასეთივე გულდაჯერებულობა, რომ ქრისტიანული რწმენისთვის ბრძოლაში შეძლებისდაგვარად საუკეთესოს ვაკეთებთ.

² მოვახმაროთ საჭირო ძალ–ღონე. პავლე ბევრს იღვწოდა მსახურებაში (1 კორ. 15:10). ჩვენც ასე ვიქცევით, როცა ვეძებთ ღირსეულ ადამიანებს ჩვენს უბანზე (მათ. 10:11). ზოგიერთ მათგანს რომ ვესაუბროთ, საჭიროა ადრე ადგომა, რათა ვუქადაგოთ ქუჩაში შემხვედრ ადამიანებს. ან ეს შეიძლება მოითხოვს იმას, რომ ნაშუადღევს ან მოსაღამოებისას ვიქადაგოთ, როცა ხალხი შინ ბრუნდება.

³ ამისათვის თვითდისციპლინა და კარგი დაგეგმვაა საჭირო, რათა პუნქტუალურები ვიყოთ, როდესაც ჩვენი წიგნის შესწავლის ჯგუფს სამქადაგებლო მსახურების შეხვედრა აქვს. მაგალითად, ბეთელის ოჯახის ზოგიერთ წევრს მხოლოდ ერთი მიმართულებით მგზავრობისთვის 1 საათი ან მეტი სჭირდება, რათა შაბათ–კვირას ითანამშრომლოს კრებასთან, რომელშიც დანიშნულია. აგრეთვე შეიძლება აღფრთოვანებული ვართ ჩვენი კრების იმ მაუწყებლებითა და ოჯახებით, რომლებსაც საკმაოდ დიდი მანძილის გავლა უწევთ, მაგრამ დროულად მოდიან. გულმოდგინებისა და ორგანიზებულობის მსგავსი მაგალითები მიბაძვის ღირსია.

⁴ ჩვენ აღძრული უნდა ვიყოთ ნებისმიერი ინტერესის გასაღვივებლად. მაშინაც კი, როცა ლიტერატურას ქუჩაში ვავრცელებთ ან არაფორმალურად ვქადაგებთ, ძალისხმევა უნდა გამოვავლინოთ იმისათვის, რომ პიროვნების მისამართი ან ტელეფონის ნომერი გავიგოთ. შემდგომ შეგვიძლია დავუკავშირდეთ, რათა ინტერესი გავუღვივოთ და ვეცადოთ ბიბლიის შესწავლის დაწყებას.

⁵ რეგულარულად მიიღე მონაწილეობა მსახურებაში. პავლე მტკიცე და გულმოდგინე იყო ქადაგებაში (რომ. 15:19). რის თქმა შეიძლება შენზე? რეგულარულად იღებ მონაწილეობას მსახურებაში? მონაწილეობ სამქადაგებლო მსახურებაში ამ თვეშიც? კრების წიგნის შესწავლის ხელმძღვანელები დაინტერესებული არიან, რომ მათ ჯგუფში ყველამ მიიღოს მსახურებაში მონაწილეობა აგვისტოს განმავლობაში. ისინი შენც დაგეხმარებიან.

⁶ თუ მივბაძავთ პავლეს მაგალითს კეთილი ცნობის სრული მხარდაჭერით, ჩვენ კვლავაც ‘ვიღვაწებთ რწმენის კეთილი ღვაწლით’.